Ադրբեջանը մի ամբողջ քեյս է պատրաստել Հայաստանի կատարած «հանցագործությունների մասին», ի՞նչ ենք անում և անելու մենք. Զոհրաբյան
ԱԺ նախկին պատգամավոր Նաիրա Զոհրաբյանը գրում է.
«Ադրբեջանական իդիոտիզմ
Լսում եմ ՄԱԿ-ի Գլխավոր ասամբլեայում Ալիևի ելույթը։ Տպավորություն է, որ խոսում է Հայաստանի ներկայացուցիչը։ Ալիևը Հայաստանին մեղադրում է բոլոր այն ռազմական հանցագործություններում, ինչը պատերազմի 44 օրերին ու մինչ օրս անում է Ադրբեջանը։
Ալիևը Հայաստանին մեղադրում է սեպտեմբերի 27-ին ռազմական ագրեսիա ու պատերազմ սկսելու մեջ, մեղադրում է պատերազմական գործողություններում վարձկան լեգիոներների ներգրավման, մեղադրում է 30 տարի ցեղասպանություն իրականացնելու, Աղդամը Հիրոսիմա սարքելու, էթնիկ զտումների, կանանց, երեխաներին խոշտանգելու ու սպանելու մեջ, քաղաքացիական ենթակառուցվածքների՝ քաղաքների, բնակելի օբյեկտների գնդակոծության, մշակութային վանդալիզմի, քիմիական զենքի և կասետային ռումբերի օգտագործման մեջ, մեղադրում է էկոցիդի, ռազմագերիների ևքաղաքացիական անձանց խոշտանգելու, դիակների պղծման և անարգման մեջ։
Ալիևը ՄԱԿ-ի ամբիոնից հայտարարում է, որ անգամ երկրորդ համաշխարհային պատերազմում մարդկության դեմ նման հանցագործություններ չեն արվել, ինչը արել է Հայաստանն Ադրբեջանի դեմ։
Ալիևի ՄԱԿ-ի գաստրոլները սովորական ֆաշիզմ ու գեբելսյան տեղեկատվական պատերազմ է, պլյուս՝ ֆրոյդյան կոմպլեքս։
Խաղաղ բնակչության դեմ քիմիական սպիտակ ֆոսֆոր կիրառողը, հայ ռազմագերիներին ինկվիզիցիայի բոլոր կանոններով խոշտանգողը, ռազմագերիներին ու քաղաքացիական անձանց գլխատողը, ռազմական բոլոր հնարավոր հանցագործությունների արսենալն օգտագործող ցեղախմբի առաջնորդը խոսում է ռազմական հանցագործություններից։
Ի դեպ, Ադրբեջանը մի ամբողջ քեյս է պատրաստել Հայաստանի կատարած «ռազմական և մարդկության դեմ հանցագործությունների մասին» ու միջազգային տրիբունալներում պայքարելու է «ցեղասպանված Ադրբեջանի» իրավունքների համար։
Ի՞նչ ենք անում և անելու մենք։
Ի՞նչ է անում իշխանություն-ընդդիմություն ներդաշնակ երկյակը։
Վաղը, որ Ադրբեջանը միջազգային դատարաններում իր քեյսը «բրդի» առաջ, պատկերացում եմ, թե ի՞նչ համազգային ցասում է բարձրանալու։
Բնականաբար՝ միայն Ֆեյսբուքում։ Որովհետև այնտեղ ապահով ու անվտանգ է, և կարելի է սեփական «դիվանի» վրայից կամ տակից ռաբիս պաթոսի հիթեր արտանետել արտաքին միջավայր»։
Հարակից հրապարակումներ`
- Ալիևի միակ մտահոգությունը Հայաստանի գործող իշխանության հնարավոր հեռացումն է. Աբրահամյան
- Մարուքյան. Իլհամ Ալիևին պետք է հավասարակշռված, գրագետ, փաստարկված խոսքով իր տեղը դնել
- Ալիևը հայտարարում է՝ Ադրբեջանի առաջ Արցախի կարգավիճակի հարցը բարձրացնելը լիովին անհեռանկարային է
- Ալիևը հայտարարել է՝ խաղաղություն կլինի տարածքային ամբողջականության ճանաչման ու «զանգեզուրի միջանցքի» դիմաց
- «Ալիևը կրկին «չկարողացավ ապրել» առանց Սարգսյանի և Քոչարյանի մասին հիշատակման»
Լրահոս
Տեսանյութեր
Մենք ԵԱՏՄ անդամ ենք, դուք արդեն իսկ ամուսնացած մարդու եք մոտեցել. Մամիջանյանը՝ ԵԽ պատգամավորին
