Ձեր վստահելի աղբյուրը

«Մեկ Հայաստան» կուսակցության նախագահ, ԱԺ «Հայաստան» խմբակցության անդամ Արթուր Ղազինյանը գրում է. 

«Այսօր, ժամը 18.30 Գարեգին Նժդեհի հրապարակից մեկնարկում է ջահերով երթ դեպի Եռաբլուր՝ խոնարհվելու համազգային երազանքների իրագործման համար պայքարում ընկած մեր որդիների ու եղբայրների շիրիմների առջև:

Այս երթին պետք է մասնակցի յուրաքանչյուր Հայ մարդ՝ անկախ քաղաքական կողմնորոշումից, ում համար թանկ է Հայրենիքը, ով ունի ազգային արժանապատվություն և պատրաստ է պայքարել ՀԱՆՈՒՆ Հայաստանի ու Արցախի, ՀԱՆՈՒՆ մեր ազգային արժանապատվության:

Ուրեմն, հանդիպում ենք ժամը 18.30 Գարեգին Նժդեհի հրապարակում և ապացուցում ենք ինքներս մեզ և ամբողջ աշխարհին, որ Հայաստանն ու Արցախը տեր ունի և այդ տերը ՄԵՆՔ ԵՆՔ»:

Հիշեցնենք, որ սեպտեմբերի 26-ին ժամը 18։30-ին Գարեգին Նժդեհի հրապարակից կմեկնարկի ջահերով երթ դեպի Եռաբլուր։ Այն կազմակերպում է «Հայաստան» դաշինքը.

«2020 թվական։ Սեպտեմբերի 27։ Պատերազմ, որը կարող էր չլիներ։ Պատերազմ, որը կարող էինք հաղթել։ Պարտություն, որը ծրագրված էր։

Մեկ տարի անց մեղավորը պատժած չէ։

Սեպտեմբերի 26-ին ժամը 18։30-ին Գարեգին Նժդեհի հրապարակից կմեկնարկի ջահերով երթ դեպի Եռաբլուր։ Արի, մասնակցիր երթին և մոմավառությանը ի հիշատակ մեր հերոսների, մեր սուրբ նահատակների։

Ցույց տանք թշնամուն, որ հայը չի հանձնվել»։