Ձեր վստահելի աղբյուրը

Աֆղանստանի ժամանակավոր կառավարությունը, որը ձևավորել է «Թալիբան» արմատական շարժումը, անցումային ժամանակաշրջանում կվերականգնի վերջին թագավոր Մուհամեդ Զահիր Շահի ժամանակների սահմանադրությունը:Այս մասին տեղեկանում ենք  «Ինտերֆաքս»-ից:

Կառավարության խոսնակը պարզաբանել է, որ իշխանությունները կհետևեն այդ Սահմանադրությունը, բացառությամբ այն դրույթների, որոնք հակասում են շարիաթի օրենքներին:

Աֆղանստանում, անկախությունից՝ 1919 թվականից ի վեր, փոխվել է յոթ սահմանադրություն: Մինչև այս տարվա օգոստոսին «Թալիբան»-ի իշխանության գալը, Աֆղանստանում 2004 թվականին ընդունված սահմանադրությունն էր գործում:

Մոհամմեդ Զահիր Շահ թագավորի օրոք ուժի մեջ մտած սահմանադրությունը, ընդունվել է 1964 թվականին՝ որպես տնտեսական և քաղաքական բարեփոխումների մաս և ուժի մեջ էր մինչև 1976 թվականը:

Փորձագետների կարծիքով, 1964 թվականի սահմանադրության տեքստը ամենաժողովրդավարական տարբերակն էր հիմնարար օրենքի նախորդ տարբերակների համեմատ: Դրանով առաջին անգամ երկիրում թույլ տրվեց ստեղծել քաղաքական կուսակցություններ:

Նախկին կառավարման օրոք՝ 1996-2001 թվականներին, թալիբները նույնիսկ սահմանադրության նախագիծ չէին առաջարկում: