Արցախում ռուս խաղաղապահներն համապարփակ զորավարժություններ են անցկացրել

Քաղաքական 10:36 29/09/2021 Արցախ

Արցախում ռուս խաղաղապահներն համապարփակ զորավարժություններ են անցկացրել

Ռուս խաղաղապահներն ընթացիկ մարտական վարժանքների շրջանակներում Արցախում անցկացրել են համապարփակ զորավարժություն՝ «Հյուսիս» պատասխանատվության գոտու դիտակետերում հրադադարի հնարավոր խախտումները կանխելու և դիտակետերի անվտանգությունն ապահովելու սցենարով: Զորավարժությունների ընթացքում խաղաղապահների անձնակազմը մշակել է սադրիչ գործողությունները կանխելու և դիտակետի վրա հարձակումը հետ մղելու խնդիրները: Լուրը հայտնում է ՌԴ ՊՆ-ն:

«Խաղաղապահ առաքելության իրականացման արդյունավետությունը մեծապես կախված է զինծառայողների մասնագիտական կարևոր որակների ձևավորման մակարդակից: Հոգեբանական վերապատրաստման միջոցառումները ներդրված են դիտակետի առօրյա պարտավորությունների մեջ և ուղղված են սեփական հոգեհուզական վիճակի, դիտարկման, ուշադրության, գնահատման և գործողությունների օպտիմալացման հմտությունների զարգացմանը»,- ասել է Ռուսաստանի խաղաղապահ կոնտինգենտի ներկայացուցիչ Ալեքսեյ Ֆոմինը և հավելել. «Այս զորավարժանքներն ուղղված են տարբեր իրավիճակներում հրաձիգի նշանառության հմտությունների զարգացմանը, այդ թվում նաև՝ անհարթ տեղանքով շարժվելիս և դժվար տեսանելիության պայմաններում»:

Հաղորդագրության մեջ ասվում է, որ ազդանշան ստանալով՝ խաղաղապահները հնարավորինս արագ քայլեր են ձեռնարկել տեղանքից հեռանալու և նախապես վերազինված դիրքերում պաշտպանական դիրքեր գրավելու նպատակով: Զինծառայողների պաշտպանությունն ուժեղացնելու համար ներգրավվել են BTR-82A զրահափոխադրիչների հերթապահ ստորաբաժանումները:

ՌԴ ՊՆ-ն հայտնում է, որ խաղաղապահների ստորաբաժանումները կառավարվում են ժամանակակից «Ազարտ» ռադիոկայանների օգնությամբ, որոնք ազդանշաններ են փոխանցում պաշտպանված կապի ուղիներով:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: