Ձեր վստահելի աղբյուրը

Կառավարության այսօրվա նիստի ավարտից հետո Կարեն Անդրեասյանի անկեղծ խոստովանությունը մեծ արձագանք է գտել ֆեյսբուքի հայ օգտատերերի շրջանում։ Նրանք ծաղրում են նախարարին՝ հրապարակելով լուսանկարներ, հումորներ, տեսանյութերներ։

Այդ պաշտոնյան մասնավորապես ասել էր. ««Նիկոլ Փաշինյանը մեր ղեկավարն է, պետության  ղեկավարի լուսանկարը խորհրդանիշ է և այո, նաև լինում է, երբ աշխատանքային գործունեության ժամանակ նայում եմ լուսանկարին և հիշում, որ պետք է լինել ազնիվ, անաչառ և պահպանել այն բոլոր պահանջները, որոնք մեր առաջ դրել է վարչապետը»։

Հասարակական-քաղաքական գործիչ Լուսինե Հարոյանը իր էջում հրապարակել է այս լուսանկարն ու գրել.

«Միակ նկարը, որ պիտի կախված լինի Nikolապաշտոնյաների աշխատասենյակներում»։

Արցախցի օգտատեր, տեղեկատվական անվտանգության հարցերով փորձագետ Ալեն Ղուլյանն ֆեյսբուքյան իր էջում  տեսահոկովակ է հրապարակել, որտեղ զուգահեռներ է անցկացնում Հյուսիսային Կորեայի միապետի հետ։ Տեսահոլովակում հնչում է «Նայում եմ նկարիդ» երգը։
 

Լրագրող Էդուարդ Սարբեկյանն էլ իր էջում գրել է.

«Նիկոլի նկարը դնելու եմ իմ աշխատասենյակում, որովհետև չեմ կարողանում բերանիս եկածն առանց մարդու աչքերին նայելու ասեմ»։

Երևանի նախկին փոխոստիկանապետ Ռոբերտ Մելքոնյանն էլ գրում է.

«Ես, Կարեն Անդրեասյանի գրառումից հետո հասկացա, թե ինչու են բոլոր պետական պաշտոնյաներին հրահանգել, որ աշխատասենյակներում Նիկոլ Փաշինյանի նկարը կախեն:

Փաստորեն նկարը կախում են, որ պետական պաշտոնյաները նայեն և դառնան ազնիվ ու անաչառ...
Իսկ երբ ուզում են` շատ են ուզում լինել անազնիվ ու աչառու, ուղղակի նկարին չեն նայում:
Բա...»։

ԱԺ «Հայաստան» խմբակցության պատգամավոր Լիլիթ Գալստյանն էլ գրում է.

«Ահա այսպիսի ստով, կեղծիքով, կարճ՝ անբարոյակնությամբ ու տգիտությամբ կործանեցին երկիրը, հազարավորների կյանքն ու մեր հավաքական ապագան»։
 

«Հայրենիք» կուսակցության քաղխորհրդի անդամ Արսեն Բաբայանն էլ այդ հայտարարությունից հետևություններ է արել.

«Ինչի՞ այս կառավարությունը չի կարող հաջողություն գրանցել.
1) նվիրյալներ չեն: Լենա Նազարյանն էր հաստատել:
2) Ազնիվ ու անաչառ չեն: Եթե այդպիսին լինեին որևէ մեկի նկարին նայելու կարիք չէին ունենա: Մեջները պիտի լինի:
Շարունակելի»։