Ձեր վստահելի աղբյուրը

Ռուս զբոսաշրջիկներն ամենից հաճախ աշնանը առանց երեխաների գնում են Թուրքիա, ցույց են տվել «Aviasales» ավիատոմսերի որոնման ծառայության ուսումնասիրությունները:

Ինչպես հաղորդում է «Գազետա.Ռու» -ն, այս երկրին բաժին է ընկել մեծահասակների կողմից ամրագումների 43% -ը: 

Դրան հաջորդում են Հունաստանը և Կիպրոսը , երկուսն էլ 6%, Վրաստանը 5%, Հունգարիան, Եգիպտոսը, Արաբական Միացյալ Էմիրությունները, Բուլղարիան՝ 3%: Սերբիան և Չեռնոգորիան եզրափակում են հանրաճանաչ ուղղությունների տասնյակը 2%-ով: 

Այս աշնանը մեծահասակների համար ավելի էժան է Թուրքիա մեկնելը, մեկ անձի համար տոմսերի արժեքը սկսվում է 10 հազար ռուբլուց: Նաև էժան ուղղություններ են Բուլղարիա (սկսած 11 հազար ռուբլի), Հունգարիա և Հունաստան (սկսած 13 հազար ռուբլի)։

Մասնագետները նշել են, որ հայտնի ուղղությունները ռուսաստանցիների շրջանում, որոնք գնում են հանգստանալու երեխաների հետ կամ առանց նրանց, գրեթե համընկնում են։

«Բացառություն են կազմում Հունգարիան և Սերբիան։ Մեծահասակները նախընտրում են այստեղ միայնակ գնալ: Իսկ երեխաների հետ նրանք ավելի շատ թռչում են դեպի Մալդիվներ և Իսրայել»,- հայտնել է «Aviasales»-ը :