Ալիևը հայտարարում է՝ կհանդիպի Փաշինյանի հետ, երբ վերջինս պատրաստ լինի

Քաղաքական 14:37 02/10/2021 Տարածաշրջան

Ալիևը հայտարարում է՝ կհանդիպի Փաշինյանի հետ, երբ վերջինս պատրաստ լինի

Տես նաև`Ալիևը հայտարարել է՝ խաղաղություն կլինի տարածքային ամբողջականության ճանաչման ու «զանգեզուրի միջանցքի» դիմաց

Ադրբեջանի նախագահ Իլհամ Ալիևը հայտարարել է Հայաստանի վարչապետ Նիկոլ Փաշինյանի հետ հանդիպելու պատրաստակամության մասին, «երբ Փաշինյանը պատրաստ լինի դրան»: Այս մասին գրում է Tass-ը, հավելելով, որ այս մասին նա ասել է իսպանական EFE-ին տված հարցազրույցում։

«Ես պատրաստ եմ [հանդիպել] և արդեն հայտնել եմ իմ դիրքորոշումը: Եթե հայկական կողմը պատրաստ է, ես` նույնպես: Մենք մեկ հանդիպում ունեցել ենք այս տարվա սկզբին եռակողմ ձևաչափով` Ռուսաստանի նախագահի հրավերով: Ես պատրաստ եմ պարոն Փաշինյանի հետ հանդիպման ցանկացած պահի, երբ որ ինքը պատրաստ կլինի։ Այսպիսով, ես պատրաստ եմ քննարկումների համար և կարծում եմ, որ սա կարող է լինել լավ ցուցիչ, որ պատերազմն ավարտված է, և այս էջը շրջված է», - ասել է Ալիևը։

Նրա խոսքերով, սա շատ կարևոր է, «քանի որ դեռ տեսնում և լսում են հայտարարություններ, որոնք վկայում են Հայաստանի քաղաքական իստեբլիշմենտում ռևանշիզմի փորձերի մասին, պատմականորեն և միջազգային իրավունքի հիման վրա մեզ պատկանող տարածքների վերագրավման հետագա ծրագրերի կառուցման փորձերի մասին»։

Ալիևը կարծում է, թե «Հայաստանի կառավարությունը պետք է վճռական կամք դրսևորի, քանի որ «ոչ միայն խոսքերը, հայտարարությունները, այլև գործողությունները ցույց կտան, որ պատերազմն ավարտված է», և սկսվել է «առաջընթաց դեպի խաղաղ ժամանակաշրջան»:

Ալիևն ասել է, որ Ադրբեջանը ցանկանում է «նորմալ հարաբերություններ հաստատել Հայաստանի հետ՝ երկու երկրների տարածքային ամբողջականության փոխադարձ ճանաչման հիման վրա»:

Ալիևը կրկնել է, թե «պատրաստ են անհապաղ սկսել սահմանների սահմանազատումը-սահմանագծում, նաև Հայաստանի հետ ապագա [խաղաղության] պայմանագրի շուրջ աշխատանքի», բայց Երևանը մինչ այժմ դրական չի արձագանքել այս նախաձեռնություններին:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: