Ձեր վստահելի աղբյուրը

«Պոպուլիզմը կործանարար է հատկապես այն երկրների համար, որոնք ունեն անվտանգության խնդիրներ, որոնք դեռևս չունեն շատ հստակ կայացած պետական կառույցներ»,- Հայաստանի Հանրապետական կուսակցության համաժողովում իր ելույթից հետո պատասխանելով մասնակիցների հարցերին՝ ասել է ՀՀ երրորդ նախագահ, ՀՀԿ նախագահ Սերժ Սարգսյանը։ 

Նա նշել է, որ իրենք երբեք պոպուլիստ չեն եղել, չի կարծում, որ այսօր էլ պետք է պոպուլիստական հայտարարություններ անել։ 

«Հայաստանի զարգացումը, ավելին ասեմ՝ ժողովրդավարությունը, հակացուցված է այսօրված իշխանություններին։ Մեր պայքարը պետք է լինի ոչ թե մարդկանց մեր կողմը գրավել, այլ մեր պայքարը պետք է լինի նրա համար, թե ինչքան շուտ և ինչպես ենք կարողանում սրան հեռացնել։ 

Հայաստանի ընդդիմությունը կարող է իշխանափոխություն կազմակերպել, եթե հիմնական ընդդիմադիր ուժերն իրենց առջև միայն մեկ նպատակ դնեն՝ իշխանափոխություն, ոչ թե սրան իշխանությունից հեռացնել, ապա գալ իշխանության»,- ասել է Սերժ Սարգսյանը։ 

ՀՀ երրորդ նախագահն ընդգծել է՝ այսօր իշխանության գալու մասին պետք չէ ընդհանրապես մտածել.

«Միգուցե սա ոգևորիչ չէ մեր երիտասարդ կուսակցականների համար, սակայն մեր երկրի շահը սրանից է բխում` մենք դրա մասին չպետք է մտածենք։ Շատ ուրախ կլինի, եթե այս ընտրություններին մեր  ստացած տոկոսը 2 անգամ էլ քիչ լիներ, բայց այլ ընդդիմադիրներ ավելի շատ ձայն հավաքեին և այսօր չունենայինք այսպիսի կառավարություն»։ 

Սերժ Սարգսյանը նշել է, որ դա անելու համար պետք է ռազմավարություն ունենալ։

Մասնակիցներին հետաքրքրող արդիական մի շարք հարցերի: պատասխանները՝ տեսանյութում։