Ձեր վստահելի աղբյուրը

«Մենք պայքարելու ենք այս իշխանության դեմ, այո, ծավալելու ենք նաև փողոցային պայքար»,-ասաց ՀՀ նախագահ Ռոբերտ Քոչարյանը՝ անդրադառնալով գործող իշխանության դեմ բողոքի հնարավոր գործողություններին։

Նրա խոսքով, իսկ մինչ այդ ամեն ինչ պետք է հասունացնել, աշխատել ժողովրդի հետ Հայաստանով մեկ։

«Այո, պետք է փորձենք համոզել։ Դու չես կարող ակտիվ փողոցային պայքար ծավալել առանց ժողովրդի ակտիվ ներգրավման։ Այդ ակտիվ ներգրավվածությունը պետք է ապահովել նաև քարոզչական աշխատանքով այդ նույն ժողովրդի հետ»,-ասաց ՀՀ  երկրորդ նախագահը։

Նրա խոսքով, եթե չստացվի այդ պրոցեսը գեներացնել, ապա նշանակում է, որ  ճիշտ բառապաշարը չեն գտել ժողովրդի հետ շփման կամ էլ ժոցովրդի մեծ մասն այս ամենը մարսել է։

«Այո, կարող է  նաև այդպես լինել։ Մեր նպատակն իշխանափոխությունն է, այս մարդկանց տուն ուղարկելը կամ մեկ ուրիշ տեղ։ Դրա համար մենք պայքարելու ենք մեր բոլոր հնարավարություններով»,-ասաց «Հայաստան» դաշինքի ղեկավարը՝ ավելացնելով, որ հիմա իրենք գեներացնելու փուլում են։

«Փորձելու ենք և անելու ենք»,-նշեց նա։