Ձեր վստահելի աղբյուրը

«Ես միանշանակ հաոզված եմ, որ ԵԱՀԿ Մինսկի խմբի շրջանալում կվերսկսեն բանակցությունները»,-հայտարարել է ՀՀԿ նախագահ Սերժ Սարգսյանը՝  համաժողովում իր ելույթից հետո պատասխանելով մասնակիցների հարցերին։

Նա իր կարծիքը հիմնավորել է «Ադրբեջանի ղեկավարության նահանջող կոշտությամբ»՝ հիշեցնելով, որ Ալիևն ավելի վաղ հայտարարել էր, որ Մինսկի խմբի համանախագահների հետ քննարկելու որևէ բան չունի, բայց ավելի ուշ նշել է, թե պատրաստ է հանդիպումների։

«Անպայման կլինեն բանակցություններ, բայց դա երաշխիք չի, որ Մինսկի խումբը կլուծի մեր հարցը, եթե մենք իներտ լինենք, պահանջատեր չլինենք, եթե չկարողանանք մեկ անգամ ևս մարդկանց համոզել, որ անհնար է Ղարաբաղի հայերի գոյությունը Ադրբեջանի կազմում։ Այդ ապացուցման աշխատանքը, փաստարկումները պետք է անընդհատ լինեն։ Ցավոք սրտի, այս իշխանությունների բազմաթիվ հայտարարություններ ջուր են լցրել Ադրբեջանի ջրաղացին՝ գերիների հետ վարվելու, իբր ադրբեջանական տարածքների վերաբերյալ»,- ասել է նա։