Տեռորի միջավայրն ակնհա՞յտ էր, իհարկե. Վարդևանյանը՝ ԶՊՄԿ-ի բաժնետոմսերի 25 տոկոսը կառավարությանն անցնելու մասին
«Փաստացի կառավարությունը փայ մտավ Հայաստանի ամենախոշոր հանքարդյունաբերության, բնական պաշարների ոլորտում զբաղվող կազմակերպության մեջ»,- ԱԺ–ում լրագրողների հետ զրույցում ասաց «Հայաստան» խմբակցության պատգամավոր Արամ Վարդևանյանն՝ անդրադառնալով Զանգեզուրի պղնձամոլիբդենային կոմբինատի բաժնետոմսերի 25 տոկոսը կառավարությանն անցնելու գործարքին։
Նա նշեց, որ պարզ չէ՝ ինչ նպատակով, ինչպես, ինչ բանաձևով, երբ տեղի ունեցավ այդ գործարքը:
«Միջազգային փորձում չկա մի դեպք, երբ կառավարությունը լինի էֆեկտիվ կառավարիչ: Բայց այստեղ նաև շատ կարևոր է՝ պետությունը չի կարող անցնել կազմակերպություն- բիզնես հարաբերություններում գծերը, քանի որ այդ գծերն անցնելն իրենից ենթադրում է հանցանք: Հիմա այս պարագայում այդ գծերն անցել են, թե ոչ, կարող եմ ասել՝ հանրությունը պատասխաններ չունի»,- ասաց ընդդիմադիր պատգամավորը:
Նա նշեց, որ սրանով, թե ինչ իրավաչափ նպատակ կարող էր հետապնդվել, իրավաչափություն չի տեսնում։
«Տեռորի միջավայրն ակնհա՞յտ էր, իհարկե։ Դա ակնհայտ էր նաև նախընտրական քարոզարշավի ընթացքում։ Մուրճ ցուցադրելիս ասում էին նաև, որ այդ մուրճը պետք է տան Զանգեզուրի պղնձամոլիբդենային կոմբինատի գլխին։ Հիմա երևի տվել են գլխին, թե ինչ են արել, դժվարանում եմ ասել։ Որևէ կազմակերպության մասին խոսել նման բառապաշարով, տնտեսական ներդրումների համար շահավետ պայմաններ չի ստեղծում։
Այս դեպքը արտաքին խաղացողների համար բիզնես միջավայրի տեսանկյունից դրական ազդակ չէ։ Եթե դու ազդակ ես տալիս, որ պետությունը փայ է ուզում կազմակերպությունում, դրանից որևէ դրական ազդակ չի կարող լինել»,- ասաց ընդդիմադիր պատգամավորը։
Նա նշեց, որ առնվազն գաղտնի է պահվում, թե ինչ ճանապարհով է առհասարակ փոխանցվել այդ բաժնեմասը, բայց այս պահի դրությամբ նշված բաժնեմասի տնօրինումը, պատասխանատվությունը գտնվում է վարչապետի աշխատակազմի իրավասության տիրույթում:
Հարցին՝ փաստացի նախկին ԿԳՄՍ նախարար, այժմ Փաշինյանի աշպատակազմի ղեկավար Արայիկ Հարությունյանը պե՞տք է հանք աշխատացնի, Արամ Վարդևանյանն ասաց. «Փաստացի, այդ բաժնեմասով պատասխանատուն հանդիսանում է ինքը այն պայմաններում, երբ ունենք ֆինանսների, էկոնոմիկայի նախարարություններ: Բայց այստեղ հարց է առաջանում՝ ավելի լավ է Արայիկ Հարությունյանը տնօրինի՞, թե՞ էկոնոմիկայի նախարարը, որի տնտեսական կառավարման հիմնական թիրախավորված մոդելը սնանկ ճանաչվելն է ու դրանով պարտքեր ջրելը:
Իրականում պատասխանը մեկն է՝ ոչ մեկը, մեկ մյուսը, քանի որ պետությունը երբեք լավ կառավարիչ չէ, մասնավոր ոլորտում պետությունը չպետք է մասնակցություն ունենա»:
Հարակից հրապարակումներ`
- Ռոբերտ Քոչարյան. ԶՊՄԿ-ի բաժնեմասերը վարչապետի աշխատակազմին նվիրելը լկտիության հասնող կոռուպցիայի դրսևորման բարձրագույն պիլոտաժ է
- Կառավարությունը «Զանգեզուրի պղնձամոլիբդենային կոմբինատ»-ի բաժնետոմսերը որպես նվիրատվություն է ընդունել
Լրահոս
Տեսանյութեր
ՈւՂԻՂ. Տրանսպորտը թանկացնում են նախկինների մերժած հաշվարկով. Պիպոյանը փաստաթղթեր է հրապարակում
