Ձեր վստահելի աղբյուրը

«Կառավարության ներկայացուիցչը պետք է արձագանքի իջևանցիների անհանգստությանը: Բանն այն է, որ լսելով Շուշիի հետ տեղի ունեցածի բացատգրությունը՝ իջևանցիները միմյանց հարց են տալիս՝ եթե Շուշիում այդքան թանգարաններ, շենքեր, եկեղեցիներ,  ուսումնարաններ ու հուշարձաններ են կառուցվել, բայց արժանացավ այս ճակատագրին, ապա ի՞նչ է սպասվում Իջևանին, որտեղ Շուշիի համեմատ ոչինչ չի կառուցվել»,-կառավարության հետ հարցուպատասխանի ժամին հարցրեց «Հայաստան» խմբակցության պատգամավոր Գեղամ Նազարյանը:

Նա ԿԳՄՍ նախարարից պահանջեց հանրությանը ներկայցնել, թե ինչ ծավալի և քանի միլիարդ դրամի աշխատանքներ են կատարվել Շուշիում 1992  թվականի մայիսի 8-ից մինչև 2020 թ. սեպտեմբերի 27-ը:

ԿԳՄՍ նախարար Վահրամ Դումանյանը հայտնեց, որ թվերի համար պատգամավորը պետք է գրավոր դիմի նախարարությանը:

«Իջևանին սպասվում է պայծառ ապագա»,-պատասխանեց նախարարը:

Գեղամ Նազարյանն ասաց, որ հասկանում է, որ թվերի ծավալը մեծ է, բայց կցանկանար, որ նախարարն ընդհանուր թվարկեր կառուցված մշակութային շենքերի քանակը:

«Իջևանցիները մտածում են, որ եթե չափանիշը քաղաքում կատարված շինաշխատանքներն են, ապա իրենց մռայլ և դժգույն ապագա է սպառսվում»,-հարցը հստակեցրեց Գեղամ Նազարյանը  և հետաքրքրվեց, թե ինչ կապ ուներ քաղաքի կառուցպատված լինելը Շուշիի ապագայի հետ:

Այլ պատասխան չունենալով, Վահրամ Դումայանը կրկնվեց՝  ՀՀ որևիցե գյուղին և քաղաքին ոչ մի դժգույն պագա չի սպասվում: