Խնդիրների հաղթահարման ուղղությամբ երկխոսության շատ կարևոր ձևաչափ է. Զախարովան՝ երեք երկրների հոգևոր առաջնորդների հանդիպման մասին
Ռուսաստանը մշտապես հանդես է գալիս ՌԴ-ի, Հայաստանի և Ադրբեջանի առաջնորդների 2020 թվականի նոյեմբերի 9-ի և 2021 թվականի հունվարի 11-ին երկու եռակողմ համաձայնագրերի բոլոր դրույթների խստագույն պահպանման օգտին: Այս մասին հինգշաբթի օրը ճեպազրույցի ժամանակ ասել է Ռուսաստանի Դաշնության արտաքին գործերի նախարարության պաշտոնական ներկայացուցիչ Մարիա Զախարովան՝ Եվրասիական կանանց III ֆորումի ժամանակ:
«Մենք հույս ունենք, որ դա անհրաժեշտ պայմաններ կստեղծի Երևանի և Բաքվի միջև հարաբերությունների կարգավորման համար, այդ թվում ՝ երկկողմ բարդ հարցերի առումով»,-ասել է Զախարովան:
Պատասխանելով հարցին, թե ինչպես է ՌԴ-ն դիտարկում հոկտեմբերի 13-ին Դանիլովում Մոսկվայի և Համայն Ռուսիո պատրիարք Կիրիլի, Ամենայն Հայոց կաթողիկոս Գարեգին Երկրորդի և Կովկասի մահմեդականների վարչության (ՇՄԽ) նախագահ շեյխ-ուլ-Իսլամ Ալլահշուքյուր Փաշազադեի հանդիպումը՝ Ադրբեջանի և Հայաստանի միջև հետպատերազմյան հարաբերությունների կարգավորման համատեքստում՝ Զախարովան ասել է. «Ինչպես գիտեք, սա առաջին հանդիպումը չէ: Հոգևոր առաջնորդների միջև շփումները իրականացվում են տասնամյակներ շարունակ: Նրանք առանձնանում են իրենց վստահությամբ: Համենայն դեպս, սա հետևում է այն գնահատականներից, որոնք հենց իրենք են տալիս: Մենք, անշուշտ, տեսնում ենք, որ սա յուրահատուկ ձևաչափ է, և, անկասկած, այն նպաստում է կողմերի միջև փոխըմբռնման խորացմանը և միջկրոնական երկխոսության խթանմանը:
Մենք ելնում ենք նրանից, որ հոկտեմբերի 13-ին Մոսկվայում կայացած հանդիպումը կծառայի հայ-ադրբեջանական հարաբերությունների կարգավորմանը և Անդրկովկասում ընդհանուր իրավիճակի բարելավմանը, ներառյալ՝ վստահության ամրապնդմանը, հումանիտար հրատապ խնդիրների լուծմանը, կրոնական և մշակութային ժառանգության օբյեկտների պահպանմանը:
Այն խնդիրները հաղթահարելու և վստահության մթնոլորտ ստեղծելու նպատակով երկխոսելու ևս մեկ շատ կարևոր ձևաչափ է»:
Լրահոս
Տեսանյութեր
Ինչո՞ւ հանկարծ ՀՀ իշխանությունները որոշեցին խլել արցախցիների կենսաթոշակային խնայողությունները
