Ձեր վստահելի աղբյուրը

Կիրառվող միջոցառումներն ու դրա շրջանակներում նախաձեռնվող օրենսդրական փոփոխությունները պառակտում են մտցնելու գործատուի և աշխատակցիների միջև և դա հանգեցնելու է մի շարք խնդիրների ոչ միայն իրավական առումով, այլ նաև միջանձնային։ Այս մասին պանելային քննարկման ժամանակ ասաց «Ջեյ-Փի» Փաստաբանական գրասենյակի տնօրեն Իրմա Ճաղարյանը։

«Սա ծանրաբեռնելու է դատարանն իրավական առումով, այնքանով որքանով համապատասխան հայցադիմումներ են ներկայացվելու։ Սա ոչ միայն աշխատանքային իրավահարաբերություններում է հայցերի  հիմք հադիսանալու, այլ նաև վարչական դատարանի ծանրաբեռնվածծությունն է ավելացնելու, քանի որ շուտով սկսվելու են ստուգումները, տուգանվելու են աշխատակիցները, գործատուները։

Նշեմ, որ նման իրավասություններ այս պահի դրությամբ չունեն, քանի որ Վարչական օրենսգիրքը պատասխանատվություն չպատվաստվելու կամ չթեստավորվելու համար ամսվա կտրվածքով երկու անգամ չի նախատեսում։ Սա լուրջ խնդիր է առաջացնելու դատարանների համար։ Ես խիստ հակասահմանադրական եմ համարում բոլոր նախաձեռնվող միջոցառումները ՝ աշխատող-գործատու հարաբերություններում նման փոփոխություններ մտցնելու տեսանկյունից»,- ասաց նա։

Մանրամասները՝ տեսանյութում։