Ձեր վստահելի աղբյուրը

Հայաստանի ինը համայնքներում՝ Գորիսում, Գյումրիում, Մեղրիում, Տեղում, Տաթևում, Դիլիջանում, Շամիրամում, Ֆերիկում, Ֆիոլոտովոյում տեղական ինքնակառավարման մարմինների ընտրությունների մասնակից քաղաքական ուժերն ու թեկնածուները պետք է լռեն՝ չիրականացնելով քարոզարշավ։

Panorama.am-ն արդեն գրել է, որ առաջին վեց համայնքներում ընտրություններն անցկացվելու են համամասանական կարգով, Շամիրամում, Ֆերիկում, Ֆիոլոտովոյում՝ մեծամասնական կարգով։

Համամասնական ընտրություններին մասնակցում են 17 կուսակցություններ ու կուսակցությունների դաշինքներ, մրցակցությունն առավել թեժ է լինելու Գյումրիում, որտեղ գրանցված 10 քաղաքական ուժ կա։

ՏԻՄ ընտրություններում դիտորդական առաքելություն իրականացնելու համար գրանցված է ութ ՀԿ։ Դրանք են.

1. «Թրանսփարենսի ինթերնեշնլ հակակոռուպցիոն կենտրոն»
2. «Հելսինկյան քաղաքացիական ասամբլեայի Վանաձորի գրասենյակ»
3. «Իրազեկ քաղաքացիների միավորում»
4. «Մարտունու կանանց համայնքային խորհուրդ»
5. Գյումրու «Ռեստարտ նախաձեռնությունների կենտրոն»
6. «Կանանց իրավունքների տուն»
7. «Ուղղակի ժողովրդավարություն»
8. «Գյումրու առաջընթաց» քաղաքացիական հասարակության զարգացման կենտրոն»։