Ձեր վստահելի աղբյուրը

Գյումրիում ընտրախախտումները շարունակվում են։ «Քաղաքացիական պայմանագիր» կուսակցության վստահված անձը ուղղորդում է ընտրողներին։ Այս մասին հայտնում է «Զարթոնք» ազգային քրիստոնեական կուսակցությունը։

«Թիվ 31/53 տեղամասում Քաղաքացիական պայմանագիր կուսակցության վստահված անձը ուղղորդում է քաղաքացիներին: Նույն վստահված անձի ուղղորդմամբ է քաղաքացին Ռուսաստանի Դաշնության անձնագրով մասնակցել ընտրություններին»,- նշում են կուսակցությունից։

Կուսակացությունից նաև տեղեկացնում են, որ թիվ 31/45 տեղամասում «Զարթոնք» ազգային քրիստոնեական կուսակցության վստահված անձին փորձել են դուրս հանել տեղամասից, այն պատճառաբանությամբ, որ վստահված անձը տեսանկահանել և լուր է տարածել:

ՀՀ ընտրական օրենսգրքի 34-րդ հոդվածի 4-րդ մասի համաձայն՝ վստահված անձի` սույն օրենսգրքով սահմանված իրավունքների որևէ սահմանափակում չի թույլատրվում։ Ոչ ոք (այդ թվում` ընտրական հանձնաժողովները) իրավունք չունի (իրավունք չունեն) վստահված անձին դուրս հանելու քվեարկության սենյակից կամ այլ կերպ նրան մեկուսացնելու հանձնաժողովի աշխատանքներին ներկա գտնվելուց, բացառությամբ նրա կողմից սույն օրենսգրքի պահանջներն այն եղանակով խախտելու դեպքերի, որոնք էապես խաթարում են ընտրական հանձնաժողովի բնականոն աշխատանքը կամ քվեարկության բնականոն ընթացքը։