Ձեր վստահելի աղբյուրը

«44 օրյա պատերազմի ընթացքի վերլուծության մասին գրություն էի ուղարկել ՀՀ ՊՆ-ին, որտեղից ստացած պատասխանում ասվում է, որ ՀՀ ԶՈՒ ԳՇ-ն  ամբողջական ուսումնասիրությունը և վերլուծությունը չի իրականացրել, բայց հաջորդ նախադասության մեջ նշվում է, որ դրա արդյունքների հիման վրա այս պահին ԶՈՒ-երում կառուցվածքային փոփոխություներ և բարեփոխումներ են իրականացվում»,-Այսօր պաշտպանության և անվտանգության հարցերի մշտական հանձնաժողվում պաշտպանության փոխնախարար Արման Սարգսյանին հարց ուղղեց «Պատիվ ունեմ» խմբակցության պատգամավոր Տիգրան Աբրահամյանը:

Պատգամավորը պարզաբանեց, որ ըստ պատասխանի՝ չավարտված ուսումնասիրությունների պայմաններում, դրանց հիման վրա իրականացվում են կառուցվածքային փոփոխություներ և ռեֆորմներ:

Նկատելով, որ գրության մեջ նաև ասված է, որ այդ բարեփոխումների գործընթացը հրապարակաման ենթակա չէ՝ Աբրահամյանը պնդեց, որ դրանք պետք է հրապարակային լինեն և քննարկումներ գնան ոչ միայն ԶՈւ-ում այլ նաև Պաշտպանության և անվտանգության հարցերի մշտական հանձնաժողովը պետք է մաս կազմի այդ քննարկումներին:

«Պատիվ ունեմ» խմբակցության պատգամավորը նաև հետաքրքրվեց, թե ինչո՞ւ է պաշտպանության նախարարը ոչ նպատակահարմար համարում իր՝ Պաշտպանության և անվտանգության հարցերի հանձանոժովի անդամի այցն առաջնագիծ:

Հանձնաժողովի նախագահ Անդրանիկ Քոչարյանը հավաստիացրեց, որ ԱԺ-ն և հանձնաժողովն այդ բարեփոխումների փաթեթը մանրամասն քննարկելու են:

Նախարարի տեղակալ Արման Սարգսյանն էլ փորձեց բացատրել, որ Տիգրան Աբրահամյանին կատեգորիկ չեն արգելել այցելել դիրքեր, այլ ներկա փուլում ոչ նպատակահարմար են համարել, իսկ դրա պատճառների մասին հարցի պատասխանը ունի ՀՀ ԶՈՒ ԳՇ-ն և վստահեցրեց, որ վերլուծության և իրավիճակի գնահատման արդյունքում է պատգամավորին տրվել նման պատասխանը:

Փոխնախարարն ասաց, որ ինչ-որ մի փուլում նպատակահարմար կգտնեն և կթուլատրեն պատգամավորի այցը սահմանի տվյալ տեղամաս: 

«Եթե մի տեղեկատվության տրամադրումը չի կարող բխել ՀՀ շահերից և կարող է միայն հագեցնել ինչ-որ հետաքրքրությունների շրջանակ, ապա վստահեցնում եմ իրավասու պետական պաշտոնյաները տեղյակ են այդ խնդրից և զբաղվում են դրանով»,-արձագանքեց Արման Սարգսյանը:

Նա հավաստիացրեց, որ ինչը հնարավոր է՝ տրամադրվում է պատգամավորին և քաղաքական նպատակահարմարության  ենթատեքստ չկա՝ Աբրահամյանին հորդորելով շարունակել աշխատել նախարարության հետ և համոզվել, որ ապագայում անհրաժեշտ տեղեկատվությունը կտրամադրվի:

Տիգրան Աբրահամյանը հայտնեց, որ ինքն այցելում է ԱԱԾ սահմանապահ ուղեկալներ և այդ կառույցը որևէ  խնդիր չի ստեղծում, իսկ այցերի մասին հրապարակում չի անում, այլ պատրաստում է իր առաջարկները գրավոր՝ փակ ֆորմատով ԱԱԾ-ին ներկայացնելու:

Շեշտելով, որ իր խնդիրն հարցեր բարձրացնելը չէ, այլ դրանք լուծելը՝ Տիգրան Աբրահամյանը ասաց. «Ես գիտեմ, որ դուք ինձ չեք ճանաչում, բայց ԳՇ պետն ինձ լավ ճանաչում է, գիտի, թե ինչով եմ զբաղվել, իմ խնդիրներն ինչի հետ են կապված և, որ ասում եք, թե ինչ-որ բաներ կան, որ նպատակահարմար չէ, հարմար չէ, այն որևէ ձևով տրամաբանական չէ»:

Նկատելով, որ երկու օր առաջ լրագրողները սահմանային տարբեր հատվածներ էին այցելել և ռեպորտաժներ պատրաստել՝«Պատիվ ունեմ» խմբակցության պատգամավորը շեշտեց. «Հիմա դուք ուզում եք ասել, որ ԱԺ պաշտպանության հանձնաժողովի անդամի այցն նպատակահարմար չէ, երբ նապատակահարմար է լրագրողների՞նը»

Նա պնդեց որ էթիկայի հարց է, եթե սահմանի որևէ հատված անվտանգային նկատառումներով նպատակահարմար չէ, ապա կարող են ԱԺ պատգամավորին առաջարկել այլ՝ ավելի անվտանգ հատված այցելել՝ մինչը այնտեղ իրավիճակը հանգստանա:

«Իմ նպատակաը խնդիրներ բարձրաձայնելը չէ, այլ՝ դրանց լուծումներ տալը, որոնք հետագայուն նաև փակ ֆորմատով պետք է քննարկվեն և կներկայացվեն»,-հայտնեց Տիգրան Աբրահամյանը: