Ձեր վստահելի աղբյուրը

«Պետական ընդհանուր գնումների 45 %-ն են կազմում մեկ անձից գնումները»,-Տնտեսական հարցերի մշտական հանձնաժողովի այսօրվա նիստում հայտարարեց ֆինանսների նախարարի տեղակալ Ավագ Ավանեսյանը՝ արձագանքելով հարցն ընդդիմադիրենրի կողմից շահարկելու դեպքերը բացառելու նապատակով պարզաբանում ներկայացնելու՝ ՔՊ պատգամավոր Բաբկեն Թունյանի հորդորին:

Փոխնախարարի խոսքով՝ մեկ անձից գնումների մեծ մասն իրականացվում է առողջապահական համակարգում և այն կապված չէ համաճարակի հետ, այլ «պատմականորեն» եկող գործընթաց է: 

Նա հայտնեց, որ մեկ անձից պետական գնումների 90 %-ը, իսկ համաճարակի ժամանակ՝ 88 %-ը  բաժին է ընկել առողջապահության ոլորտին, 5-7- %-ը հանրային ծառայություններին և մանցածը 3 %-ն է բաժին ընկնում այլ ոլորտներին:

Ավանեսյանի տեղեկացմամբ մեկ անձից գնումների ծավալներն անկում էին ապրում, բայց համաճարակի ժաամնակ՝ 2020 թ.-ին այն կրկին աճել է: 

«Մեր հերթական բարձրաձայնումը մնաց անպատասխան, մասնավորապես՝ ասել էինք, որ Սյունիքում ամիսներ առաջ 6.3 մլրդ դրամ մեկ անձից գնումների սկզբունքով բաշխում է իրականացվել երեք ընկերությունների միջև»,-հայտարարեց Տնտեսական հարցերի հանձնաժողովի նախագահ Վահե Հակոբյանը՝ շեշտելով, որ ընդդիմությունը միշտ էլ մեկ անձից գնումների հարցն օրակարգում է պահելու:

Նա պնդեց, որ մինչ այսօր այդ բաշխման սկզբունքի վերաբերյալ պարզաբանում չի ներկայացվել և հասարակության համար հարցը բաց է մնացել: 

Ավագ Ավանեսյանը կրկին շեշտեց, որ իրենց քաղաքականությունը նպատակաուղղված է մեկ անձից գնումների քանակի նվազեցմանը, բայց լինում են դեպքեր, երբ տվյալ ենթակառուցվածքն արագ կառուցելու համար անհրաժեշտ է լինում մեկ անձից շտապ գնում կատարել: