Ձեր վստահելի աղբյուրը

«2018թ-ի հայտնի գործընթացներից հետո քաղաքական դաշտը ոչնչացվել էր, մենք ստացել էինք մեկ դերասանի թատրոն հիշեցնող քաղաքական պետական համակարգ, որը չուներ ընդդիմախոսներ, ինչը դեպի բռնապետություն և ամբոխավարություն տանող ճանապարհ էր»,- այսօր խորհրդարանում «Զանգվածային լրատվության մասին» օրենքում փոփոխություններ և լրացումներ կատարելու նախագծի վերաբերյալ կազմակերպված քննարկման ժամանակ հայտարարեց «Հայաստան» խմբակցության պատգամավոր  Արեգնազ Մանուկյանը:

Նա նկատեց, որ հեղաշրջումից հետո մամուլը դարձավ միակ ընդդիմախոսը և ստիպված էր զբաղվել քաղաքականութամբ՝ հավասարակշռելով քաղաքականությունը պոպուլիզմի, հանրային փսիխոզի վերածածների քայլերին:

Ըստ պատգամավորի՝ վերջին 3 տարում մամուլն այլընտրանքային կարծիքը ձևավորելու և այն տեղ հասցնելու ֆունկցիա կատարեց, որպեսզի ժողովրդավարության վերջին փշրանքները չխժռեն թավշյա կոչված հեղափոխականները:

Նրա համոզմամբ՝ 2018 թվականի գարնանից վտանգվել է ազատ խոսքը՝ սկզբում ամբոխի հարձակման ուժով, այնուհետև նոր իշխանավորների գործողություններով, որոնք շարունակվում են մինչև օրս:

Շեշտելով, որ «Զանգվածային լրատվության մասին» օրենքին դեռ անդրադառնալու ժամանակ կունենա՝ Մանուկյանը ցանկություն հայտնեց անդրադառնալ իշխանությունների գործելաոճին:

««Մամուլն ազատ է քան երբևէ» կարգախոսը թմբկահարող իշխանությունները գործում են ընդդեմ ազատ մամուլի»,- հայտարարեց պատգամավորը և ճշտեց, որ խոսքը գնում է իշխանության ազդեցության տակ չգտնվող մամուլի մասին:

Արեգնազ Մանուկյանի խոսքով՝ այսօր պաշտոնյա դարձած նախկին լրագրողները սկսել են մամուլի դեմ պայքարել, այն դեպքում, որ հենց նրանք են ժամանակին բամբասանքներ, սուտ ու կեղծիք տարածել:

«Հիմա այս մարդիկ ուզում են դառնալ մեդիադաշտն ապատեղեկատվությունց մաքրողներ, սա ցինիզմ է և երեսպաշտություն»,- հայտարարեց «Հայաստան» դաշինքի պատգամավորը և պնդեց, որ նրանց իրական նապատակը ոչ հաճո խոսքը լռեցնելն է, որը կբացահայտի իշխանությունների կոռուպցիոն ռիսկերը, ցածրորակ կառավարումը և պետությունը կործանման առաջ կանգնեցնեողների գործունեությունը:

Նրա խոսքով՝ մեդիադաշտից եկած իշխանություններն ամեն ինչ արել են ու անում են մեդիադաշտի դեմ՝ հարձակումներ գործելով ինչպես 44-օրյա պտերազմի ընթացքում, այնպես էլ հետպատերազմական շրջանում:

Մանուկյանը նկատեց, որ պատերազմի արդյունքն ապահովվել է նաև արծրունական ստի և կեղծիքի քարոզով՝ հայտարարելով, որ հաղթում են, իսկ ճշմատությունը խոսողների բերանը փակելով հակասահմանադրական որշմամբ աստղաբաշխական տուգանքներով, որոնցով երկու անգամ էլ ինքն է տուգանվել:

Նա նկատեց, որ իշխանամետ ուժերը նաև ֆեյսբուքում սահմանափակեցին իշխանությունների քիմքին ոչ հաճո գործունեություն ծավալողներին:

Պատգամավորը նկատեց, որ լրատվամիջոցների դեմ հարձակումից հետ չմնաց նաև նոր ԱԺ ղեկավարությունը ՝ առաջին իսկ օրվանից սահմանափակելով լրագրողների տեղաշարժը խորհրդրանի շենքի տարածքում:

Նա պնդեց, որ սա է իշխանության իրական դեմքը, որը կեղծում է բոլոր ոլորտներում և դրա բեմ պետք է պայքարեն ԶԼՄ-ների հետ միասին: