Ձեր վստահելի աղբյուրը

«Ուսումնասիրությունների արդյունքում մենք 78 գործունեության տեսակից առանձնացրել ենք 13-ը, որոնց նկատմամբ կարող ենք թույլ տալ ավելի հեշտ լիցենզավորման հնարարվորություններ  օտարերկրյա ընկերությունների համար»,-զեկուցելով «Լիցենզավորման մասին» օրենքում լրացումներ կատարելու մասին նախագիծը՝ հայտնեց Էկոնոմիկայի նախարար Վահան Քերոբյանը::

Նրա խոսքով՝ նախագծով Եվրասիական տնտեսական միության, Եվրոպական միության անդամ երկրների,Կանադայի,Հարավային կորեայի, Չինաստանի, Ճապոնիայի, Միացյալ Թագավորության, Արաբական Միացյալ Էմիրությունների, Վրաստանի, Իրանի իրավաբանական անձանց համար հեշտացվու են լիցենզավորվելու հնարավորությունը:

Նախարարը թվարկեց հեշտացվող գործունեության ոլորտները, որոնք են՝ մասնավոր պահնորդական գործունեություն, որը լիցենզավորում է ոստիկանությունը, ինկասացիոն ծառայություն, որը լիցենզավորում է ֆինանսների նախարարությունը, փոստային կապի, միջուկային կամ ռադիոակտիվ նյութերի կամ ռադիոակտիվ նյութեր պարունակող սարքերի կամ ռադիոակտիվ թափոնների ներմուծման կամ արտահանման գործունեություն, որը լիցենզավորում է Միջուկային գործակալությունը, երկաթուղային տրանսպորտի գործունեության կազմակերպումը, որը լիցենզավորում է ՏԿԵ նախարարությունը:

Նախարարի խոսքով՝ ՏԿե նախարարության լիազորությունների ոլորտում է նաև դյուրինացվող տաքսիով ֆիզիկական անձանց ուղևորափոխադրումների կազմակերպումը և անհատ ձեռնարկատերերի և կազմակերպությունների կողմից մարդատար տաքսի ավտոմոբիլներով ուղևորափոխադրումների կազմակերպումը:

Քերոբյանը տեղեկացրեց, որ Քաղաքաշինության կոմիտեից լիցենզավորվող գործունեության տեսակներից է քաղաքաշինական փաստաթղթերի ինժեներական բաժինների մշակումը, քաղաքաշինական փաստաթղթերի փորձաքննությունը, շինարարության իրականացումը, շինարարության որակի տեխնիկական հսկողությունը, ինժեներական հետազննումը և շենքերի, շինությունների տեխնիկական վիճակի հետազննությունը: