Ձեր վստահելի աղբյուրը

Սրտի համար ամենավտանգավոր դեղամիջոցներից են քիմիաթերապիայի դեղերը, որոնք ունեն ուղղակի սրտոտոքսիկ ազդեցություն: «ՌԻԱ Նովոստին» գրում է, որ այդ մասին «Ռոսիա-1» հեռուստաալիքի եթերում պատմել է բժիշկ և հեռուստահաղորդավար Ալեքսանդր Մյասնիկովը:

«Մենք տալիս ենք դեղամիջոցը՝ գիտակցելով, որ վնասում ենք սրտին: Այս հիվանդներին տալիս ենք՝ անմիջապես ուղարկելով սրտաբանի հսկողության տակ։ Մենք գիտենք, որ այն 70 %-ով սրտի վրա կողմնակի ազդեցություններ կունենա, բայց մենք պետք է կյանքեր փրկենք»,-ասել է բժիշկը:

Բացի այդ, ըստ Մյասնիկովի, սխալ ընդունման դեպքում ոչ ստերոիդային հակաբորբոքային դեղերը, ինչպիսիք են իբուպրոֆենը, դիկլոֆենակը և ինդոմետացինը, կարող են վնասել սրտին։ Բժիշկն ընդգծել է, որ մարդկանց սրտի համար դրանք ամենավտանգավոր դեղամիջոցներն են, որոնք ազատ՝ առանց դեղատոմսի վաճառվում են դեղատներում:

«Հետևաբար, այն չպետք է տրվի սրտային հիվանդներին և տարեցներին»,-նախազգուշացրել է Մյասնիկովը և հավելել. «Կամ էլ դրանք տվեք մեծ զգուշությամբ, բժշկի հսկողության ներքո»:

Մյասնիկովը սրտի համար վտանգավոր դեղամիջոցների ցանկում հիշատակել է նաև հակաբիոտիկները, անոթասեղմիչները, միզամուղները, լուծողականները և բետա-բլոկատորները։