Ձեր վստահելի աղբյուրը

«Մեր գլխավոր խնդիրն է՝ օգտագործել բոլոր գործիքները մի նոր ոչ հայանպաստ վիճակ չառաջացնելու համար»,- ասուլիսում ասաց ԱԺ «Հայաստան» խմբակցության քարտուղար Արծվիկ Մինասյանը:

Նրա խոսքով, իրենց բոլոր գործիքներն օգտագործելու են, որ կանխեն դա, ոչ թե  փաստն արձանագրեն ու դրանից հետո նոր սկսեն պայքարել հետևանքների վերացման համար:

«Այն, ինչ ներկայում անում է Հայաստանի իշխանությունը, անգամ նույնիսկ եթե ինչ որ բանակցային պրոցես է գնում, պետք է լինի հրապարակային: Իշխանությունը չի կարող իր թաքուն կեցվածքը շարունակել, թաքուն ոչ միայն հանրության շրջանակներից, լրագրողներից, անգամ այն պատասխանատու ինստիտուտներից, որոնք պետք է ներգրավված լինեն: Մեր բոլոր գործողությունները միտված են դրան», - ասաց Արծվիկ Մինասյանը:

Ինչ վերաբերում է  նոյեմբերի 9-ին ու 10-ին հրավիրվող հանրահավաքներին՝ Արծվիկ Մինասյանն ասաց, որ դեռևս 20 օր առաջ են նրանք դիմել քաղաքապետարանին։

«Հիմա այն նոր զարգացումները, որ կատարվում են կամ տեղի են ունենում, դա չի նշանակում, որ այս ծրագիրը փոփոխման ենթակա չէ: Ցանկացած պահի, ցանկացած օր, ցանկացած ժամի, որպես հրատապ միջոցառում, հնարավոր է ցանկացած պահանջ դրվի ու դնելու ենք, եթե մեր համար տեսանելի ինչ-որ բան լինի», - ասաց ընդդիմադիր պատգամավորը։

Ըստ Ա. Մինասյանի, իրենց խնդիրն է լինելու պատասխան պահանջել այս իշխանությունից, որպեսզի ի վերջո հասկանան՝ ինչ է կատարվում։ Նա չբացառեց, որ մինչև նոյեմբերի 9-նն էլ կարող են լինել հրատապ միջոցառումներ։

«Ցանկացած հրատապ միջոցառում՝ հավաք, երթ, պահանջ, փողոց փակել, մեր գործիքակազմի մեջ է: Մեզ համար ցանկացած գործիքակազմի օգտագործումը պետք է ի վերջո արդյունքի նկարագրություն ունենա, այսինքն ամեն պահի կանխել, կանխարգելել, որպեսզի այս իշխանությունը չգնա մի նոր անբացատարելի, աննկարագրելի զիջումների»,- ասաց «Հայաստան» խմբակցության քարտուղարը:

«Պատիվ ունեմ» խմբակցության քարտուղար Հայկ Մամիջանյանն էլ ասաց, որ պատրաստ են աջակցել, համատեղ իրականացնել, համագործակցել, միանալ, ցանկացած իրական ընդդիմադիր քաղաքական միավորի այն միջացառումներին, որոնք միտված են Հայաստանի արժանապատվությունը վերադարձնելուն։

«Հայաստանի երրորդ նախագահ Սերժ Սարգսյանը, վստահ եմ, որ նույնը նաև Հայաստանի երկրորդ նախագահ Ռոբերտ Քոչարյանը,  չի կարող լինել կոնֆորտ զոնայում, երբ ինչ որ կապիտուլյանտ մեր անկախ Հայաստանի ամենակարևոր  ձեռքբերումը, կներեք բառիս համար,  փոզմիշ արեց: 

Երրորդ նախագահն իր ողջ գործիքակազմով փորձել ու փորձում է կանգնեցնել աղետը»,- ասաց Հ. Մամիջանյանը:

«Հայաստան» խմբակցության քարտուղարը շարունակեց. «Ես համոզված եմ՝ Արցախն ազատագրած մարդկանց համար չի կարող կոմֆորտ զոնա լինել»:

Նա ասաց, որ ընդդիմադիր դաշտում իրար հետ մրցակցելու բան չունեն, այլ ունեն իրար հետ համագործակցելու և այս իշխանության  հակահայակական վարքագիծը կանխելու խնդիր:

«Մենք պետք է հասնենք նրան, որպեսզի նախ և առաջ բացահայտվեն բանակցային գործընթացի բովանդակցությունը, որոնք հատկապես ի վնաս մեզ են, մեր պետականության, մեր երկու երկրների, կանխել որևէ բանակցային գործընթաց, որտեղ կարող է Հայաստանի որևէ ներկայացուցիչ, Հայաստանի, հայ ժողովրդի անունից փորձի որևէ նման բան անել:

Մենք պետք է իսկապես համատեղ ուժերով բացառենք նոր նոյեմբերի 9-ը»,- նշեց նա:

Ա. Մինասյանի խոսքով, հաճախ են խոսում խաղաղության դարաշրջանի բացման կամ հաճախ շրջանառվում է խաղաղության փաստաթղթի մասին:

«Ի՞նչ խաղաղության փաստաթուղթ, պայմանագիր: Խաղաղությունը  պետք է հետևանք լինի, ոչ թե սկզբից թշնամուն ասում ես՝  ես խաղաղություն եմ ուզում: Թշնամին մտել է քո տունը, ավերում է  քեզ, դու ասում ես՝ խաղաղություն  եմ ուզում: Նախ և առաջ պետք է այդ թշնամուն հեռացնես, մաքրես, զսպես, վերականգնես բանակցային գործընթացը, այդ գործընթացների արդյունքում վերջում է  խաղաղություն գալիս, ոչ թե  ի սկզբանե հայտարարում ես, հետո մնում ես անընդհատ այդ քո հայտարարության տակը, անընդհատ սկսում ես արդարացնել նոր զիջումները:

Ուստիև՝ մենք ամեն ինչ պետք է անենք բացահայտեելու և կանխելու այս իրավիճակը»,- ասաց ընդդիմադիր պատգամավորը:

Ա. Մինասյանն ընդգծեց՝ չի կարող առանց հանրաքվեի որևէ փաստաթուղթ լինի ՀՀ տարածքային ամբողջականության  վերաբերյալ. «Սա միջազգային հանրությունը հստակ գիտի: Հայաստանի Սահմանադրությամբ է  ամրագրված: Ցանկացած պահի  միջազգային հանրությունը անվավեր է ճանաչելու նման համաձայնությունը»:

Հ. Մամիջանյանն ասաց, որ որևէ մեկը «ղալաթ կանի նորից մեր երկիրը տանի կապիտուլյացիայի»:

«Ուժերի ողջ ներուժի չափով մենք դրա դեմ պայքարելու ենք: Իսկ  ինչքան կլինի  մեր ուժերի ներածը, կախված է քաղաքացիներից:

Մեր նպատակն է կանխել այդ գործընթացը, ոչ թե գործընթացի իրականացումից հետո սրան քշել»,- ասաց «Պատիվ ունեմ» խմբակցության քարտուղարը: