Իշխանությունը որքան էլ տենչա, անգամ Գուլագ կերտելու հնարավորություն չունի. Լիլիթ Գալստյան
«Հայաստանը բաբելոնյան աշտարակն է, զուգահեռ իրականություններով, զուգահեռ արժեքներով, միմյանց անհաղորդ, իրար չլսող ու չհասկացող, միմնյանց ատող ու բացառող»,-ԱԺ հայտարարությունների ժամին հայտնեց «Հայաստան» խմբակցության պատգամավոր Լիլիթ Գալստյանը և հիշեցրեց, որ Բաբելոնի աշտարակը փլուզվեց, որովհետև նրա շինարարները տարբեր լեզուներով էին խոսում։
Նրա խոսքով՝ սուտը, ցինիզմն և դիլետանտությունը համատարած է, իսկ անցյալի մերժումն արդեն հայրասպանության հասնող ուրացման է վերածվել:
Այդպիսին է երեք տարիների պետության կենսագործունեության միջավայրը, Հայաստանում տիրող բարոյահոգեկան մթնոլորտը:
«Այսօր առավոտյան, գրագետի համարում ունեցող մեկն, այնքան էր ոգևորվել շեֆերին դուր գալու ու նախկիններին մերժելու մոլուցքի մեջ, որ այս ամբիոնից հայտարարեց, որ եթե գողությունից խոսելու լինի՝ կհասնի 1918թ.՝ մոռանալով, որ այդ՝ 1918 թիվն իրեն ու հայ ժողովրդին Սարդարապատ է տվել, պետականություն ու արժանապատվություն»,-ԱԺ-ում ՔՊ պատգամավոր Վիգեն Խաչատրյանի ելույթին անդրադարձավ կին պատգամավորը և հարցրեց, թե իշխանությունները, որքան կարող են հասարակությանը խաբել։
Նրա խոսքով՝ Իրականության կամ որևէ բանի մերժումը դեռ չի վերացնում դրա գոյությունն ու իսկությունը:
«Միթե չե՞ք լսում, ձևացնում ենք, թե չենք լսում մեր սահմանը մկրատող ադրբեջանական զորքի ձայնը, դուք չե՞ք տեսնում, ձևացնում ենք, թե չե՛ք տեսնում, մեր բլուրների վրա ծածանվող ու մեր դեմքին շռնդալից ապտակող թշնամու դրոշները, դուք լռում եք ու հաշտ եք, երբ հնչում են մեր հայրենի տեղանունների թրքահաչ անունները»,-ասաց պատգամավորը և նկատեց, որ իշխանությունն այս իրավիճակում զբաղվում է ներքին թշնամու որս և բռնությունը և ունակ է միայն ֆորմալ իշխանությունը, քանի որ ինքնիշխանությունը կորցրած երկրում չի կարող իշխանություն լինել։
Գալստայնը հայտնեց, որ իշխանությունը որքան էլ տենչա, անգամ Գուլագ կերտելու հնարավորություն չունեք, որովհետև Երևանի ամենաբարձր շենքից արդեն սահմանն է երևում։
«ՀՀ մարդու իրավունքների պաշտպանն անհերքելի ապացույցներ է հրապարակում Գեղարքունիքի գյուղերի անմիջական հարևանությամբ ադրբեջանական զինված ուժերի ամրացման վերաբերյալ, մինչդեռ ՀՀ ՊՆ նախօրյակին հերքում էր ու հերքում։ Հիմա հասկանու՞մ եք, թե ինչու են ընդդիմադիր պատգամավորներին արգելում առաջնագիծ գնալ, սուտ և դիլետանտիզմ:
Ի դեպ, տգիտությունից դեպի պետական դավաճանության սահմանը շատ փխրուն է»,-հայտնեց պատգամավորը և իշխանություններին հորդորեց շարունակել չտեսնել ու սոփեստությամբ զբաղվել՝ այն ամենն առատորեն համեմելով պարգևավճարով՝ դրանից չի փոխվում նրանց և ժողովրդի գոյության հարաբերական ու հարցականի տակ լինելը:
Հարակից հրապարակումներ`
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
