Ձեր վստահելի աղբյուրը

Ալեն Սիմոնյանի գլխավորածա պատվիրակության այցը Կիպրոս դժգոհություն է առաջացրել այնտեղ ապրող հայերի մոտ։ Նրանք արդեն Ալեն Սիմոնյանին հայտնել էին իրենց վերաբերմունքը՝ ընդգծելով, որ Ղարաբաղյան երրորդ պատերազմում զոհվածների մեղքը իշխանությունների վզին է։

«Նիկոլ, Ալեն, դավաճան»,-«Յլիթոն» հյուրանոցի դիմաց վանկարկել են բողոքի ակցիայի մասնակիցները։

Երեկ պատվիրակության անդամ, իշխանական պատգամավոր Բաբկեն Թունյանը փորձել է մոտենալ ցուցարարներին։ Կիպրոսում ապրող հայերը նրա հասցեին վանկարկել են «հողատու, դավաճան. սիկտիր, ռադդ քաշի»։

«Լեզուդ չափավորի»,-ի պատասխան իր սպառնացել է Բաբկեն Թունյանը, ինչին հաջորդել են կրկին «դավաճան, հինգ հազար տղու արյունը ձեր վզին է, Ալենը հոս թող գա» վանկարկումներն ու պահանջները։

Իշխանական պատգամավոր Թունյանին ակցիայի մասնակիցները հիշեցրել են՝ նախկինները հող չեն ծախել։

«Պատասխան եք տալու, Նիկոլ, Ալեն, դավաճան»,-վանկարկել են նրանք։

Ակցիայի մասնակիցներին հունից հանել է Թունյանի՝ Թուրքիայի դեսպանատան դիմաց ակցիա անցկացնելու հորդորը։

«Թուրքերի փողերով եք այստեղ եկել»,-ի պատասխան հայտարարել է ակցիայի մասնակից կինը։

Բաբկեն Թունյանը ստիպված է եղել հեռանալ իր հասցեին հնչող անեծքների, հայհոյանքների, վիրավորանքների ներքո։