Ձեր վստահելի աղբյուրը

«Ես քրիստոնյա եմ, Հայ Առաքելական եկեղեցու զավակ, ինձ համար եկեղեցի գնալը երբևէ պրոբլեմ չի եղել աշխատանքային կամ ոչ աշխատանքային օրերի պատճառով»,- ԱԺ-ում «ՀՀ տոների և հիշատակի օրերի մասին» օրենքում փոփոխություններ կատարելու մասին օրենքի նախագծի քննարկմանն ասաց հիմնական զեկուցող էկոնոմիկայի նախարար Վահան Քերոբյանը:

Հիշեցնենք, որ նախագծով առաջարկվում է հունվարի 2-ը, 3-ը, 4-ը, 5-ը և 7-ը սահմանել աշխատանքային օրեր:

Վահան Քերոբյանի խոսքով, հունվարի 6-ը ոչ աշխատանքային է, հունվարի 5-ին մարդիկ կարող են ճրագալույցի ժամանակին գնալ եկեղեցի:

«Կարծում եմ՝ այստեղ որևէ  հակասություն չկա: Հակասությունն իրականում հակառակումն է, այն որ, մենք հիմա ամանորյա վեց-յոթ օրվա ընթացքում զբաղվում ենք որկրամոլությամբ,  դա իրականում հակաքրիստոնեական է»,- ասաց Քերոբյանը

Նրա խոսքով, այստեղ իրականում իրենք ավելի շատ լուծում են մշակութային ու կրոնական հարցեր դրական իմաստով: