Սաակաշվիլին հրաժարվել է հացադուլի հետ կապված բուժումից
Վրաստանի նախկին նախագահ Միխեիլ Սաակաշվիլին դիմել է 12-րդ քրեակատարողական հիմնարկի ղեկավար Զուրաբ Մոդեբաձեին և նշել, որ հրաժարվում է հացադուլի հետ կապված ցանկացած բուժումից։ Այս մասին գրում է վրացական Առաջին ալիքը։
Ըստ Միխեիլ Սաակաշվիլիի նամակի, նա հրաժարվում է անալիզներից, ռեանոմոբիլային բրիգադի ծառայություններից և ստուգումներից։
Միաժամանակ, Սաակաշվիլին ասել է, որ ինքը կստանա միայն դեղամիջոցներ, որոնք կապված չեն հացադուլի հետ, քանի դեռ բանտի տեսակցությունների սենյակը չի վերականգնել իր սկզբնական տեսքը։
«Թիվ 12 բանտի, Իվանիշվիլի բանտի ղեկավար Զուրաբ Մոդեբաձեին: Վրաստանի երրորդ նախագահ Միխեիլ Սաակաշվիլիի հայտարարությունը. Այս պահից սկսած՝ ես հրաժարվում եմ հացադուլի հետ կապված բոլոր բուժումներից, անալիզներից, ռեանոմոբիլային անձնակազմի ծառայություններից և ստուգումներից։ Ես կընդունեմ միայն այնպիսի դեղամիջոցներ, որոնք կապված չեն հացադուլի հետ, քանի դեռ բանտի տեսակցությունների սենյակը չի վերականգնել իր սկզբնական տեսքը և թույլ չե տա օգտվել իմ ընթացակարգային իրավունքներից։ Միաժամանակ ուզում եմ ընդգծել, որ հոսպիտալացման հետ կապված ստեղծված խնդիրներից սկսած՝ շարունակելով այնպիսի չնչին, բայց շատ կարևոր և առարկայական խնդիրների ստեղծումը, որը կապի միջոցներից զրկելն է։ Փաստորեն, այս հանգամանքները վկայում են այն մասին, որ իշխանությունը Սաակաշվիլիին սպանելու ծրագիր ունի։
Միխեիլ Սաակաշվիլին Պուտինի անձնական բանտարկյալն է: Ըստ այդմ, «Վրացական երազանքը» կատարում է ռուսական հանձնարարությունները՝ կապված նրա առողջության ու կյանքի հետ։ Ես ուզում եմ կոչ անել բոլոր այն մարդկանց, ովքեր մասնակցում են ռուսական այս հատուկ գործողությանը` սկսած քրեակատարողական ծառայության պետ Նիկա Ցխվարիաշվիլիից, 12-րդ հիմնարկի տնօրեն Զուրաբ Մոդեբաձեից և բոլոր այն աշխատակիցներից, ովքեր անօրինական առաջադրանքներ են կատարում: Ձեր անունն ու ազգանունը ոչ մի տեղ չեն անհետանում։ Մենք շատ լավ հասկանում ենք, որ դուք որոշումներ չեք կայացնում և կատարում եք ուրիշների անօրինական որոշումները։ Այնուամենայնիվ, պետք է լավ հիշել, որ ձեր անունները մնում են։ Բոլոր նրանք, ովքեր ապօրինություններ են գործում նախագահ Սաակաշվիլիի նկատմամբ, ոչ հեռու ապագայում անխուսափելիորեն պետք է կանգնեն անկախ և անաչառ դատական համակարգի առաջ։ Նրանք պետք է հիշեն, որ սա կլինի մի սև կետ, որը ոչ միայն իրենք, այլև նրանց սերունդները չեն կարողանա մաքրել»,- ասված է Սաակաշվիլիի նամակում։
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
