ՔՊ-ական պատգամավորներն առաջարկում են «Զանգվածային լրատվության մասին» օրենքում նոր հասկացություն ավելացնել
ԱԺ «Քաղաքացիական պայմանագիր» խմբակցության մի խումբ պատգամավորներ առաջարկում են նոր հասկացություն ավելացնել «Զանգվածային լրատվության մասին» օրենքում՝ «չնույնականացվող աղբյուր»։
Ազգային ժողովում քննարկվում է հենց «Զանգվածային լրատվության մասին» օրենքում փոփոխություններ և լրացումներ կատարելու մասին նախագիծը։ Նախագծի հեղինակներն են ՔՊ-ական պատգամավորներ Արթուր Հովհաննիսյանը, Վահագն Հովակիմյանը, Թագուհի Ղազարյանը, Սարգիս Խանդանյանը։
Հիմնական զեկուցող Արթուր Հովհաննիսյանն ասաց, որ առաջացել են նոր մեդիա հարթկաներ՝ սոցիալական հարթակների, դոմեյնների, կայքերի տեսքով, որոնք տարատեսակ տեղեկատվություններ են տարածում, չունեն որևէ նույնականացման տվյալներ, որոնցով տեղեկատվություն սպառողը կամ պետությունն առհասարակ կկարողանան նույնականացնել այդ տեղեկատվության աղբյուրներին և ըստ այդմ կարգավորումներ իրականացնել։
«Ի՞նչ է ստացվում։ Իրական կյանքում որոշ լրատվամիջոցներ վերցնում են տարատեսակ տեղեկատվություններ, հղում են չնույնականացված աղբյուրների վրա և ըստ «Զանգվածային լրատվության մասին» օրենքով՝ ազատվում են պատասխանատվությունից։
Մենք առաջարկում ենք նոր հասկացություն ավելացնել «Զանգվածային լրատվության մասին» օրենքում՝ չնույնականացված աղբյուրներ, որը նշանակում է՝ հնարավոր չէ պարզել այդ աղբյուրները տնօրինողին և ստեղծողին և առաջարկում ենք լրատվամիջոցների համար պատասխանատվություն սահմանել չնույնականացված աղբյուրներին հղում կատարելու դեպքում»,- նշեց նա։
Ա. Հովհաննիսյանը հիշեցրեց, որ այս պահին «Զանգվածային լրատվության մասին» օրենքով սահմանված է՝ լրատվամիջոցներն ազատվում են պատասխանատվությունից, երբ հղում են կատարում պաշտոնական հրապարակմանը, ելույթին, աղբյուրներին։
«Բայց 2003 թվականին, երբ այս օրենքը գրվել է, որևէ մեկը չէր կարող պատկերացնել, որ այդ աղբյուրների անվան տակ կարող են հայտնվել աղբյուրներ, որոնց առհասարակ հնարավոր չէ նույնականացել, հանգիստ կարող են բացված լինել արտաքին քաղաքականություն սպասարկող ուժերի կողմից, փորձն էլ ցույց է տալիս, որ Հայաստանի ներքաղաքական կյանքում էլ չնույնականացված աղբյուրները շատ են օգտագործվում հանրությանը կեղծ տեղեկատվություն մատուցելու, որոշ մարդկանց պախարակելու համար, մենք գործ էինք ունենում անպատասխանատու մոտեցման հետ։
Առաջարկում ենք պատասխանատվությունից չազատել այն լրատվամիջոցներին այն դեպքում, երբ որ հղում կկատարեն չնույնականացված աղբյուրներին»,- ասաց ՔՊ-ական պատգամավորը։
Նա հստակեցրեց, որ պետք է բովանդակության համար պատասխանատվություն սահմանել, ուստի լրատվամիջոցները կարող են հղում կատարել չնույնականացված աղբյուրներին, օրինակ՝ թելեգրամյան ալիքների, բայց չեն ազատվի պատասխանատվությունից։
«Օրինակ, հղում են կատարում՝ այս մարդն ապտակեց այս ինչ մարդու ըստ այսինչ թելագրամյան ալիքի, եթե պարզվի, որ այդտեղ բովանդակության հետ կապված խնդիր կա, պատասխանատվությունը կրելու է լրատվամիջոցը»,- ասաց Ա.Հովհաննիսյանը։
Նա հայտնեց, որ փոփոխություն է կատարվել նաև ֆինանսական թափանցիկության հոդվածում, փոխել են վարչական տույժերը սահմանված ֆինանսական հաշվետվություն չներկայացնելու համար, հավատարմագրման դրույթում էլ ավելացրել են, որ բոլոր այն լրատվամիջոցները, որոնք չեն ներկայացնի նույանականցման տվյալները, ֆինանսական տարեկան հաշվետվությունները, նրանց հավատարամագրման դիմումը պետական կառույցներին կմերժվի։
Հարակից հրապարակումներ`
- Պետական մարմիններ-լրագրողների երկխոսությունը մեծ հաշվով չի կայացել. Աշոտ Մելիքյան
- Լրագրողների նկատմամբ կիրառվող սահմանափակումները հետադիմական են և մտահոգիչ. Աշոտ Մելիքյան
- Այսօր պաշտոնյա դարձած նախկին լրագրողները սկսել են մամուլի դեմ պայքարել. Արեգնազ Մանուկյան
- Ըստ Փաշինյանի օգնականի՝ լրագրողներ ներկայացող անձինք կան, որոնք սադրիչներ են
- Դոյդոյան․ Կիրառվել են աննախադեպ սահմանափակումներ, նաև բռնություններ խորհրդարանական լրագրողների հանդեպ
- ԱԺ-ում քննարկվում է հավատարմագրված լրագրողների ազատ տեղաշարժի սահմանափակման կարգը
- Panorama.am-ի խմբագրի պատասխանը ԱԺ-ում լրագրողների իրավունքների մասին քննարկմանը
- Պետք է անհապաղ դադարեցնել ԱԺ-ում լրագրողների աշխատանքի խոչընդոտները․ ՄԻՊ
- Լրագրողներին ԱԺ օթյակից հեռացնելու հարցը վերանայման ենթակա է. Ալեն Սիմոնյան
- «ԱԺ-ում հավատարմագրված լրագրողների ու օպերատորների նկատմամբ գործողություններն ապօրինություններ են»
- ժողովրդավարություն ասելով նկատի ունեք լրագրողներից ձեր պանիկ փախուստը. Լիլիթ Գալստյանը՝ Փաշինյանին
- Արսեն Բաբայան. Որևէ մեկն իրավունք չունի արգելել լրագրողների բողոքի ակցիայի անցկացումը
- Բորիս Նավասարդյան. Պատգամավորները ռեպրեսիվ բնույթի օրենսդրական նախաձեռնություններով վրեժ են լուծում լրատվամիջոցներից
Լրահոս
Տեսանյութեր
Բերվել են բոլոր հակափաստարկները. ԱՆ փոխնախարարը՝ արցախցիների ընտրելու իրավունքի մասին
