Ձեր վստահելի աղբյուրը

«Ուզում եմ ասել, որ ԽՍՀՄ տարիների առաջին դեմարկացիայի գործընթացը 20-ականներին է սկսվել՝ 1926, 1927 թթ., որն ավարտվել է 1929 թ.-ին և դրանից հետո հետագայում կազմած քարտեզների հիմքը եղել է հենց այդ թվականներին ձևավորված քարտեզը»,-կառավարության նիստից հետո տված ճեպազրույցում հայտնեց Անվտանգության խորհրդի քարտուղար Արմեն Գրիգորյանը:

Նրա խոսքով՝ դեմարկացիայի և դելիմիտացիայի հարցով աշխատանքային խումբը քննարկում է, թե որ քարտեզն հիմք ընդունել, բայց դեռ որևէ հստակություն չկա:

«Քննարկում ենք, եթե այդ մասով որևէ հստակություն լինի, հանրությանը տեղյակ կպահենք»,-հայտարարեց ԱԽ քարտուղարը՝ պատասխանելով հարցին, թե արդյո՞ք հնարավոր է նախորդ դարի 20-ականների քարտոզներով սահմանազատումն իրականացվի։

Նրա խոսքով՝ Հայաստանը պատրաստ է Ադրբեջանի հետ սահմանագծման ու սահմանազատման գործընթացին, բայց դրա համար կարևոր մոտեցումներից է երկու երկրների զորքերի հայելային հետքաշումը, համապատասխան տարածքներում նրանց սահմանապահ զորքերի տեղակայումը:

«Այդ մասով սպասում ենք դրական ազդակի Ադրբեջանից և կարծես թե, սեպտեմբերին ՄԱԿ-ում նրանք այդպիսի հայտարարություն արել են, բայց մենք չենք կարողանում այս մասով առաջ գնալ»,-ասաց Արմեն Գրիգորյանը։

ԱԽ քարտուղարը նաև հավաստիացրեց, որ մինչև նոյեմբերի 10-ը որևէ բան չի նախատեսվում, Փաշինյանի և Ալիևի հանդիպման տեղեկությունը հանրային աժիոտաժ ստեղծելու, ընդդիմությանը հնարավորինս աջակցելու նպատակ ունի: