Ձեր վստահելի աղբյուրը

ԿԲ հասարակայնության հետ կապերի ծառայությունը հրապարակել է ամփոփ տվյալներ հոկտեմբերի 25-29-ն ընկած ժամանակահատվածում իրականացված գործարքների վերաբերյալ.

USD

Արտարժույթի ներբանկային շուկայում բանկերի կողմից գնվել է 105,711,242 ԱՄՆ դոլար 475.39 դրամ ԱՄՆ մեկ դոլարի դիմաց միջին փոխարժեքով, և վաճառվել 125,500,293 ԱՄՆ դոլար 478.74 դրամ ԱՄՆ մեկ դոլարի դիմաց միջին փոխարժեքով:

Միջբանկային շուկայում առևտրային բանկերի միջև իրականացվել է 14,500,000 ԱՄՆ դոլարի առք և վաճառք 478.39 դրամ մեկ ԱՄՆ դոլարի դիմաց միջին փոխարժեքով:

«Հայաստանի ֆոնդային բորսա» ԲԲԸ–ում նշված ժամանակահատվածում գործարք չի իրականացվել:

EUR

Արտարժույթի ներբանկային շուկայում բանկերի կողմից գնվել է 14,987,581 եվրո 551.01 դրամ մեկ եվրոյի դիմաց միջին փոխարժեքով, և վաճառվել 24,854,612 եվրո 557.08 դրամ մեկ եվրոյի դիմաց միջին փոխարժեքով:

Միջբանկային շուկայում նշված ժամանակահատվածում առևտրային բանկերի միջև գործարք չի իրականացվել:

RUB
 
Արտարժույթի ներբանկային շուկայում բանկերի կողմից գնվել է 1,733,400,086 ՌԴ ռուբլի 6.76 դրամ մեկ ռուբլու դիմաց միջին փոխարժեքով, և վաճառվել 1,578,620,783 ՌԴ ռուբլի 6.86 դրամ մեկ ռուբլու դիմաց միջին փոխարժեքով: Միջբանկային շուկայում նշված ժամանակահատվածում առևտրային բանկերի միջև գործարք չի իրականացվել:

Հոկտեմբերի 18-24-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 63.9 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 36.9 մլն ԱՄՆ դոլար: