Ձեր վստահելի աղբյուրը

Գիտնականները զգուշացրել են, որ գլոբալ տաքացումը շուտով անտանելի կդարձնի կյանքը Երկրի վրա: Ռիա նովոստիի հաղորդմամբ, այս մասին գրում է Phys.org-ը:

Փորձագետների խոսքով,  ԱՄՆ-ի Մահվան հովտից մինչև Մերձավոր Արևելք և Հնդկաստանից մինչև Սահարա մարդիկ արդեն չափազանց անհարմար ջերմաստիճանի պայմաններում են ապրում, և եթե միջոցներ չձեռնարկվեն, իրավիճակը կվատթարանա մոլորակի այլ մասերում։

Կլիմայի փորձագետ Զիկ Հաուսֆազերը հայտարարել է, որ տաքացումը կհանգեցնի նրան, որ  ծայրահեղ իրադարձությունների ավելի հաճախակի կլինեն:  Այսպիսով, Կալիֆոռնիայի Մահվան հովտում այս ամառ ջերմաստիճանը հասել էր 54,4 աստիճանի։ Սա ամենաբարձր ցուցանիշն է Երկրի վրա երբևէ գրանցված ժամանակակից գործիքների կողմից: Հոդվածի համաձայն,  ԱՄՆ Օվկիանոսների և մթնոլորտի ազգային վարչությունը (NOAA) հայտնել է, որ 2021 թվականի հուլիսը եղել է դիտարկումների ընթացքում գրանցված ամենաշոգ ժամանակահատվածը:

Գիտնականները նշել են, որ ջերմաստիճանի բարձրացումը կհանգեցնի ինտենսիվ երաշտի, անտառային հրդեհների, փոթորիկների և ջրհեղեղների։ Ջերմային ալիքների աճը վնասակար ազդեցություն է ունենում գյուղատնտեսության վրա և հղի է մարդկանց համար մահացու վտանգներով։

Փորձագետները եզրակացրել են, որ ջերմաստիճանի երկու աստիճանով բարձրացման պատճառով հինգ տարին մեկ երկրագնդի բնակչության կեսը տուժելու է նման երևույթներից: