Ձեր վստահելի աղբյուրը

«Իրենց ասած նախկիններից սրանք ժառանգեցին մեծ, հզոր հայրենիք և այն ընդամենն ամիսների ընթացքում փոշիացրին»,-«Հայելի» մամուլի ակումբում հայտնեց գրող, հրապարակախոս Խաչիկ Մանուկյանը:

Նա հիշեց, որ 2018 թվականին իշխանության եկածները հայտարարում էին, որ կոպեկ-կոպեկ վերադարձնելու են նախկինների թալանածները և նկատեց, որ այն նշանակում էր. որ նախկինների վերցրածը, եթե եղել է նման բան, հնարավոր է եղել վերադարձնել:

«Բա էս ողորմելիներին  ինչպես ասեմ՝ վերադարձրեք մեր հզոր բանակը, մեր զավակներին, այս չարքապատկանները, գետնաքարրշները, թշվառականները կարո՞ղ են վերադարձնել»,-ասաց Մանուկյանը:

Ըստ հրապարակախոսի՝ նոյեմբերի 9-ին մոտենալուն զուգահեռ կասկածելի մտքեր է լսում նոր ճանապարհներ տալու, զիջումների գնալու մասին, բայց ինքը մյուս օրերից ևս որևէ լավ բան չի սպասում:

«Պետք չէ նոր նոյեմբերի 9 լինի, որպեսզի հասկանամ, որ իմ երկիրը չկա, շնչահեղձ է լինում»,-ասաց Խաչիկ Մանուկյանը և հավելեց, որ Նիկոլ Փաշինյանը Ռուսաստանում ոչինչ որոշող չէ և այն հոխորտանքները, թե խաղաղություն է բերում, անիմաստ են.  «Ո՞ւր ես բերում, ում ես բերում, քո տա՞նն ես բերում... Դու ավար արեցիր, կարողացար ստեղծել նյութական այն բարիքները, որը երազում էիր, քո երազի մեջ դա էր: Մեր զավակների երազածը մեծ, հզոր հայրենիքն էր, Հայաստանն էր և նրանք այդ արժեհամակարգի կրողներն էին»:

Գրողի խոսքով՝ այն «փալասախումբը», որը ԱԺ-ում ելույթ է ունենում, եթե այդքան սիրում էր իր առաջնորդին, պա պետք է գնար Արցախ կռվելու:

«Բա որ ասում էր մեր Սարդարապատն է, ինչու չգնացիք մարտնչելու, ինչու պախկվեցիք ձեր կանանց ու մայրերի թումբանների մեջ և հիմա ելել եք՝ ո՞ւմ և ի՞նչ եք ասում, այ ողորմելիներ, դուք ո՞վ եք, որ բան ասեք, դուք դրա իրավունքը չեք վաստակել»,-ասաց Մանուկյանը:

Նա պատգամավորներին հորդորեց հոխորտանքը և իրենց չափի մեջ պահեն:

«Գնացեք, գտեք ձեր նման սեռախեղվածների խումբ, որոնց սեռն էլ պարզ չէ, իրենց մոտ հոխորտացեք, կամ նախկիններ ասելով  և դրա վրա հենվելով գոյատևեք, բայց այդ հենարանն էլ արդեն չկա»,- հայտարարեց բանախոսը և  հավելեց, որ նախկինների թալանի մասին, որ ասում էին, այսօր իրենք դրա հազարապատիկն են արդեն թալանել:

Գրողը հիմնավորեց, որ հասարակությունը տեսնում է, որ տենդերների միջոցով մեծ գումարները շարունակաբար տալիս են իրենց ազգ ու տակերին:

Խաչիկ Մանուկյանը հորդորեց իշխանություններին իրենց անձնական նվաճումները հայրենիքի հետ չկապել, քանի որ Հայաստանն իրականում անընդհատ կորուստներ է տալիս: