Այս պահին Մոսկվայի եռակողմ հանդիպման համար ստորագրվելիք փաստաթուղթ չկա. Գնել Սանոսյան

Քաղաքական 14:31 02/11/2021 Հայաստան

Այս պահին Մոսկվայի եռակողմ հանդիպման համար ստորագրվելիք փաստաթուղթ չկա. Գնել Սանոսյան

«Հանդիպմանը փաստաթուղթ նախատեսված է, թե ոչ՝ տեղյակ չեմ, մինչև այս պահը՝ ոչ»,-Մոսկվայում եռակողմ հանդիպման վերաբերյալ լրագրողի տված հարցերին պատասխանելիս ասաց Տարածքային կառավարման և ենթակառուցվածների նախարար Գնել Սանոսյանը և հաստատեց, որ հանդիպումը կազմակերպելու վերաբերյալ քննարկումներ կան:

Անդրադառնալով սահմանազատման խնդիրներին՝ նախարարը հայտարարեց, թե նայած թե ում մոտ այն ցավոտ կլինի և անմիջապես պատասխանեց լրագրողի դիտարկմանը, որ մինչև հիմա մեր համար է ցավոտ եղել. «Այո, մեր վիճակը ցավոտ է, բայց սա է մեր իրականությունը, մենք հայտնվել ենք այս իրականության մեջ և այստեղ կարևոր մասնաբաժին ունի, խաղաղ ապրելը զարգանալը, տնտեսությունը , բանակը և այլն: Դրա համար կարևոր է սահմանի հստակեցումը, որպեսզի անընդհատ մենք սահմանային միջադեպ չունենանք, ինչ-որ մեկի մեքենային ինչ-որ մեկը ոտքով չհարվածի»:

Սանոսյանը հյատարարեց, որ սահմանազատումից չպետք է վախենալ, խուսափել, եթե նույնիսկ 1-2 տեղ էլ հնարավոր է ցավոտ լինի, ապա պետք է խնդիրը ֆիքսել՝ նկատի ունենալով, որ դա է Հայաստանի սահմանը, այլ ոչ թե ամեն օր միջադեպ արձանագրել և այդ միջադեպերով զբաղվել:

Նախարարը հայտնեց, որ սահմանազատման համար քարտեզները դիտարկելիս պետք է հաշվի առնվի, թե դրանք ինչ իրավական կարգավիճակ ունեն:

«Այն պետք է իրավականորեն հստակեցված և հիմնավորված լինի և բոլորի կողմից՝ ընդունելի»,-հայտարարեց Սանոսյանը:

Հարակից հրապարակումներ`

Գորիս-Կապան ճանապարհը որոշակի խնդիրներ ունի, բայց ռեալ վտանգ չկա. Գնել Սանոսյան

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: