Ձեր վստահելի աղբյուրը

ՀՀ մարդու իրավունքների պաշտպան Արման Թաթոյանը մամուլի ասուլիսով ներկայացնում է ադրբեջանական զինվորական ուժերի հետ շփման տարածքներում անվտանգության ապառազմականացված գոտու հրատապ անհրաժեշտությունը՝ որպես բնակչության իրավունքների պաշտպանության հիմնարար երաշխիք Հայաստանում: Ապացույցների վրա հիմնված ծավալուն փաստաթուղթը կուղարկվի պետական մարմիններին ու միջազգային կազմակերպություններին:

Ա. Թաթոյանն ասաց, որ այս զեկույցը հիմնավորում է անվտանգության գոտու անհրաժեշտությունը:

«Լիարժեք, բոլոր փաստերով կատարվել է բացառիկ աշխատանք: Բազմաթիվ այցեր են իրականացվել Հայաստանի սահմանային բնակավայրեր, մեկ տարվա անդադար ուսումնասիրություններ են կատարվել Սյունիքում և Գեղարքունիքում: Զեկույցում կոնկրետ փաստերով ցույց ենք տվել վտագները, վերլուծված են օբյեկտիվ ապացույցներ, քարտեզի վրա պռոյեկտված են բոլոր ադրբեջանական դիրքերը»,- ասաց Մարդու իրավունքների պաշպանը:

Նա ընդգծեց, որ զեկույցն ամբողջությամբ հիմնված է  բաց աղբյուրների վրա, զեկույցում որևէ կերպ չի ցուցադրվում Հայաստանի դիրքերը:

«Այս զեկույցի կազմման աշխատանքներում համոզվեցինք, որ Հայաստանի սահմանապահ զորքերի ծառայողները, Զինված ուժերի ծառայողները իրականացնում են հերոսական ծառայություն՝ ունենալով  բացառիկ առաքելություն՝ պաշտպանելու Հայաստանի բնակչության կյանքը, խաղաղ գոյակցության իրավունքը, մյուս բոլոր կենսական իրավունքները»,- ասաց Արման Թաթոյանը: