Ձեր վստահելի աղբյուրը

Անհետ կորած զինծառայողների ծնողների՝ փողոց փակելու ակցիայի ընթացքում ոստիկանները սկսեցին հրմշտել նրանց։

«Իմ տղուց , այստեղ կանգնածների տղաներից ոչ մեկդ լավը չլինեք»,-ասում էր զինծառայողի ծնողը, երբ ոստիկանները սկսկեցին քաշքշել բողոքի դուրս եկած մարդկանց։

Ոստիկանների պահվածքը բարկացրեց ծնողներին. «Ինչի՞ եք քաշքշում, մարդը հանգիստ կանգնած էր։ Հարգում եմ՝  բայց ըսենց բան մի արեք։ Իմ տղեն համակարգում էր, դուրս եկավ, որ չգա ըսենց դեպքերում իմ դիմաց կանգնի։ Մի տղես չկա։ Հիմա զանգեմ գյուղից ջահելները գան, ձեզ բրթե՞ն։ Սաղ գյուղը կգա ըստեղ, բայց ինձ պետք չի, որ էդքան մարդ հավաքեմ։ Տարին լրացել է, տղուցս ոչ մի լուր չունեմ, հանում են ճամփից դուրս։ Ղեկավարություն, ո՞ւր եք, ինչի՞ դուրս չեք գալիս, հարցի լուծում տաք»։

Ծնողները խնդրեցին ոստիկաններին իրենց վերադասին զեկուցել ակցիայի ու իրենց պահանջների մասին։

Հիշեցնենք, որ ծնողները փողոց են փակել այն բանից հետո, երբ պահանջել են Նիկոլ Փաշինյանի հետ հանդիպում, սակայն վերջինը խուսափում է իրենց հետ հանդիպելուց։