Ձեր վստահելի աղբյուրը

«Հայաստան» դաշինքի կազմակերպած «Պատերազմի քննիչ հանձնաժողովի անհրաժեշտությունը. հետպատերազմյան ապաքինում» թեմայով քննարկմանը «Հայաստան» խմբակցության պատգամավոր, ԱԺ պաշտպանության և անվտանգության հարցերի հանձնաժողովի անդամ Գեղամ Մանուկյանը  թվարկեց, թե ինչ խնդիներր պետք է լուծի քննիչ հանձնախումբը։

Հիշեցնենք, որ դեռևս հուլիսի վերջին իշխանությունը հայտարարել էր 44-օրյա պատերազմը քննող քննիչ հանձնաժողովի ստեղծման մասին։ 

Նախ, ըստ Գ. Մանուկյանի, պետք է քննել՝  նախապատերազմական իրավիճակի պատրաստվածություն,  պատերազմ ծնող պատճառներ, դիվանագիտական գործողությունները պատերազմին նախորդող տարիներին, հուլիսյան մարտեր, ետհուլիսյան իրավիճակ, Զինված ուժերի  ռազմավարական ծրագրերի մշակումներն ու ետապրիլյան վերազինման ծրագրերում եղած փոփոխությունները, պատերազմի ռազմական, քաղաքական կառավարման ողջ պատկերը,  որը տեղի է ունեցել 44-օրյա պատերազմի ժամանակ։

Քննարկման թեմա, ըստ Գ. Մանուկյանի, պետք է լինի՝ 2018-2020 թթ. ՀՀ Զինված ուժերի, Արցախի Հանրապետւթյան ՊԲ կադրային քաղաքականությունն ու տեղի ունեցած փոփոխությունները, պատերազմական գործողությունների մեկնարկին հայկական կողմի պատրաստվածությունն ու գործողությունները, պատերազմի ընթացքում ռազմական, քաղաքական համադրության և փոխգործակցության հարցը, ներքին կյանքն ու համաժողովրդական զորաշարժն արդյո՞ք ՀՀ իշխանությունները կարողացան այդ օրերին ի մի բերել։

«Պատերազմի ժամանակ հազարավոր մարդիկ օգնություններ, առաքումներ էին իրականացնում Հայաստան։ Իշխանական ՔՊ-ական 5 պատգամավոր, որոնցից 2-ը զիվորական ծառայություն չէին անցել, որոշել են՝ այս ապրանքը  պաշտպանության նախարարություն պե՞տք է գնա, թե՞ ռազմական նշանակության չէ»,- ասաց ընդդիմադիր պատգամավորը։

Շարունակելով հանձնաժողովում քննարկվելիք հարցերի թվարկումը, Հ. Մանուկյանն ասաց՝ պատերազմը կանգնեցնելու դիվանագիտական փուլերն ու դրանց հանգուցալուծումները, կամավորագրման զորահավաքային կառավարաման համակարգի իրական վիճակը, թերությունները։

«Եթե ձևավորվի քննիչ հանձնաժողովը, պետք է  տիրապետի բոլոր փաստաթղթային հիմքերին, իրավունք ունենա քննել բոլորին, ով քննվում է քննիչ հանձնաժողովում, պետք է ունենա բոլոր վստահացումները, որ խոսում է միայն  ճիշտ, մինչև վերջ ճիշտ։ Համապարփակ հենքի վրա կարող է քննություն լինել»,- ասաց նա։

Այնուհետև Գ. Մանուկյանը հարցադրում արեց՝ կարո՞ղ է  այս պայմաններում ձևավորվի քննիչ հանձնաժողով, իշխանություններն արդեն նշանակել են մեղավորներ, մեկ տարի շարունակ ամեն օր նշանակում են։

«Այն վտանգերը, խութերը, որոնք կան, լուրջ մտածելու տեղիք են տալիս՝ արդյոք  լինելու է  այս հանձնաժողովը, արդյո՞ք կարողանալու է  հանրային քաղաքական հենքն ապահովել, որին գումարվելու է  ռազմական ամբողջական քննությունը»,- ասաց Գեղամ Մանուկյանը։