Ձեր վստահելի աղբյուրը

«Հայաստանում արձանագրված հազարավոր թափուր աշխատատեղեր կան»,-կառավարության նիստում հայտնեց Նիկոլ Փաշինյանը:

Նրա խոսքով՝ շինարարության ոլորտում պրոբլեմ կա և բիզնեսից ստացվող ամենահաճախ ահազանգերը վերաբերում են աշխատուժի խնդիրներին:

«Բոլոր ոլորտներում՝ սկսած շինարարությունից, ավարտած բարձր տեխնոլոգիաների ոլորտով, ամենուր մենք աշխատատեղերի խնդիր ունեք»,-հայտարարեց Փաշինյանը:

Նրա խոսքով՝ Հայաստանը մոտ է  համայնքների խոշորացման գործընթացի ավարտին և մյուս տարվա սուբվենցիոն ծրագրերի մեջ պետք է հատուկ ուշադրության դարձնել փոքր համայնքներին, որտեղ վերջին տարիների ընթացքում փոքր բյուջեի պատճառով աշխատանքներ չեն իրականացվել:

Նկատելով, որ պետք է խոշորացված համայնքների ղեկավարներին քաջալերել, որ նրանք այդ ուղղությամբ մտածեն՝ Փաշինյանը հայտարարեց, որ կառավարությունը կարող է այդ հատվածում համաֆինանսավորման տոկոսադրույքի փոփոխություն իրականացնել՝ 2022-ին  խթանելով մնան համայնքներում շինարարության մեխանիզմը:

Փաշինյանը հայտարարեց, որ սուբվենցիոն ծրագրերում կավելացնեն հեռագնա արոտների  ճանապարհների կառուցման հարցը:

Դուք գիտեք, որ ՀՀ-ում շատ է խոսվում, որ անասնապահության ոլորտում խնդիրներից մեկը կերի խնդիրն է, բայց վիճակագրությունը մեզ ցույց է տալիս, որ ՀՀ-ում առկա արոտավայրերի գերակշիռ մասն ուղղակի չի օգտագործվում: Մոտ 70-80 տոկոսը չի օգտագործվում: Հիմնական պատճառը ենթակառուցվածքների, ճանապարհների բացակայությունն է: Մենք պետք է այս ճանապարհների հարցը լուծենք: Այդտեղ պետք է գրունտային, բայց ժամանակակից պայմաններին ապահովող ճանապարհներ ունենալ»,-ասաց Նիկոլ Փաշինյանը: