Ձեր վստահելի աղբյուրը

ՀՀ աշխատանքի և սոցիալական հարցերի նախարարության բյուջեն 2022 թվականին կաճի 15,1 տոկոսով՝ կազմելով 580 միլիարդ դրամ։ 2021 թվականին հաստաված բյուջեով նախատեսված է եղել 503 միլարդ 670 միլիոն դրամ ֆինանսավորում։ Ազգային ժողովի աշխատանքի և սոցիալական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում 2022 թ. բյուջեի նախագծի քննարկմանն ասաց ՀՀ ֆինանսների նախարար Տիգրան Խաչատրյանը:

«Պետբյուջեի նախագծով աշխատանքի և սոցիալական հարցերի նախարարության բոլոր ծրագրերի հանրագումարով հատկացված ֆինանսավորումը, ըստ մեր բյուջեի համար պատասխանատու կառույցների, ամենամեծ ֆինանսավորման ծավալը պարունակող ուղղությունն է», - ասաց նախարարը:

Նրա խոսքով, դա բնական է, որովհետև այն սոցիալական կարևորագույն հարցերը, որոնք լուծվում են այս գերատեսչության կողմից,  իրենց թե ծավալով, թե նշանակությամբ երևի ամենակարևորներից են։

Տ.Խաչատրյանը հայտնեց, որ աշխատանքի և սոցիալական հարցերի նախարարությունը 2022 թ. իրականացնելու է 16 ծրագիր, որը ներառում է 93 միջոցառում:

Քննարկմանը ներկա «Հայաստան» խմբակցության պատգամավոր Թադևոս Ավետիսյանն ասաց, որ սոցիալական խնդիրները և սոցիալական ցուցանիշները մեր երկրում չունեն առաջանցիկ բարելավման միտումներ։ 

«Մենք ի՞նչ հիմքով ենք սոցիալական խնդիրների առաջանցիկ ավելացման պարագայում 18,3 ընդհանուր ծախսերն ավելացնում, սոցիալական ծախսերը 15,1 տոկոս, եկամուտներն էլ էլ ավելի շատ է կանխատեսվում, մոտ 29 տոկոս»,- հարցերով նա դիմեց ֆինանսների նախարարին։

Տ. Խաչատրյանը նշեց, որ կան մի քանի պատճառահետևանքային կապեր. «Առաջինն այն է, որ մենք կանխատեսում ենք 2022 թվականի ընթացքում բարձր՝ 7 տոկոս տնտեսական աճ պետք է ունենանք և 2022 թ. համար նախատեսվող անելիքները հենց իրենց ֆինանսավորման կառուցվածքով միտված են այդ բարձր տնտեսական աճի միջավայրը երաշխավորելուն»։

Թ. Ավետիսյանն ասաց, որ  համաձայն չէ նախարարի հետ, չնշվեց այն կարևոր գործոնը, որն առկա է այսօր՝ գնաճը, որը բերում է մարդկանց իրական եկամուտների նվազման:

Նրա խոսքով, 2020 թվականի աղքատության ցուցանիշը պաշտոնական հրապարակված չէ, բայց, Համաշխարհային բանկի  գնահատմամբ, 7 տոկոսյիան կետ աղքատության մակարդակի աճ կա։

«Հիմա ունենք գնաճի գործոնը, որը խոսում է իրական եկամուտների նվազման մասին։ Երբ մենք ասում ենք՝ ապագայում ստեղծենք հնարավորություն և այլն, նորից պետք է անդրադառնամ հետևյալին՝ ծախսերը աճում են 18,3  տոկոս, եկամուտներն աճում են մոտ 29 տոկոս ու մի կարևորագույն ցուցանիշ՝ պարտադիր կուտակային կենսաթոշակային համակարգին պետության կողմից վճարվող գումարները հաջորդ տարի պլանավորել եք 106 միլիարդ դրամ 70 միլիարդից։

Ակնհայտ է՝ սա չունի ընթացիկ սոցիալական ազդեցություն հաջորդ տարի։ Ասում եք 580 միլիարդ է բյուջեն, բայց իրականում 580 միլիարդից 2022 թ. շահառուին հասնելու է հանած 106 միլիարդը։ Այսինքն 18 տոկոս գումարը, ըստ էության, 2022 թ. ուղղակի սոցիալապես անապահով ընտանիքներին, խոցելի խմբերին չի հասնելու, նրանց սոցիալական խնդիները չի լուծելու»,- ասաց ընդդիմադիր պատգամավորը։

Նրա կածիքով՝ այստեղ բալանասավորված մոտեցում չէ և խախտված է ի վնաս սոցիալական ոլորտի։

«Դուք մակրտոնտեսական կայունությունն առավել եք գնահատում, քան՝ սոցիալական խնդիրների լուծումը, սա ակնհայտ երևում է թվերից», - ընդգծեց  Թ. Ավետիսյանը:

Տիգրան Խաչատրյանն արձագանքեց՝ այն որոշումները, որոնք կայացրել են հաջորդականության տեսանկյունից, կարծում են՝ երկարաժամկետ առումով ավելի կայուն են, որովհետև նպատակաուղղված են ամուր տնտեսական հիմքեր ստեղծելուն: