Ձեր վստահելի աղբյուրը

«25 տարի առաջ Հայաստանի հասարակական քաղաքական կյանքն ականապատվեց մի ազգակործան դավադիր թեզով՝ Սերգո ջան, լավ չես ապրի, քանի Ղարաբաղի հարցը չի լուծվել»,-այսօր հրավիրված ընդդիմության հանրահավաքում իր ելույթում հայտնեց «Հայաստան» խմբակցության պատգամավոր Արթուր Խաչատրյանը և նկատեց, որ լուծում ասելով՝ այդ գաղափարի հեղինակները նկատի չունեին ոչ Արցախի միջազգային ճանաչումը, ոչ էլ՝ վերամիավորումը Հայաստանի հետ:

Պատգամավորը նկատեց, որ այդ կապով սկիզբ դրվեց Արցախը և երկրի տնտեսական բարակեցությունը, Արցախի և Հայաստանի շահերն իրար հակադրելու քաղաքականությանը:

Խաչատրյանի խոսքով՝ այդ տարիներին սկիզբ դերվեց հայաստանցիներին և արցախցիներին միմյանցից զանազանելու և թշնամացնելու քաղաքականությանը:

Նակտելով, որ այսօր Արցախի 70 %-ից ավելը թշնամուն է հանձնված՝ պատգամավորը հարցրեց, թե դրանից հետո արդյոք լավ է ապրում  ժողովուրդը, ինչին ի պատասխան հանրահավաքի մասնակիցներից հնչեցին ժխտողական արձագանքները:

«Քաղաքական իշխանություններն ասում են զարգացման նոր հնարավորությունների դարաշարջան է բացվում: Պետք է Արցախը տայիք, որ նոր հնարավորություններ բացվեի՞ն, Քարվաճառը, Քաշաթաղը, Շուշին ու Հադրութն էի՞ն խանգարում ձեր տնտեսական քաղաքականությանը, տնտեսական հեղափոխությանը, կապիտուլյացիան էր ձեր տնտեսական քաղաքականության հիմքը»,-հայտնեց ընդդիմադիր պատգամավորը::

Շշետելով, որ տարվող քաղաքականության արդյունքում գները շարունակաբար աճում են՝  խաչատրյանն ասաց, որ այս տարվա հոկտեմբերին նախորդ տարվա համեմատ գներն աճել են 9 %, ով սննդամթերքինը՝ 16 %-ով, հագուստն ու կոշիկը՝ 12 %-ով, իսկ բնակչության սննդակարգի կարևոր մթերքները՝ բանջարեղեն ու կարտոֆիլն թանկացել է 70 %-ով:

Ասելով, որ հացի ու ալյուրի գներն աճել են 10 %-ից ավել՝ խաչատրյանը նկատեց. «Այդ հացի զգալի մասը մնաց թուրքին, այսօր թուրքն է այդ հացն ուտում, բայց մենք դեռ տնտեսական հեղափոխությունից ենք խոսում»:

Խաչատրյանը նկատեց, որ իշխանությունները գների աճը պայմանավորում են համաշխարհային շուկայում առակ գնաճով,  և իրենք բան չեն կարողանում անել և հռետորական հարց հնչեցրեց, որ եթե իշխանությունները բան չեն կարող անել, էլ ում են նրանք պետք:

«Թուրքը մտնում է Սև լիճ, ասում ենք՝ մի բան արեք, ասում են՝ են է անում են էլի, ռուսների հետ բանակցում են: Բա էդ իշխանությունը մեր ինչի՞ն է պետք»,-հայտնեց «Հայաստան» խմբակցության պատգամավորը և հռետորական հարց հնչեցեց, թե այդ դեպքում ինչո՞ւ է իշխանությունն աշխատավարձ ու պարգևավճար ստանում:

Նկատելով, որ ամանորյա տոնական օրերն աշխատանքային են դարձրել, որ արդյուք ստեղծվի՝ Խաչատրյանը իշխանություններին առաջարկիեց շաբաթ և կիրակի օրերն էլ մարդկանց աշխատացնեն, իսկ գիշերներն էլ նրանց գլխին լամպ կախեն, որ գիշերներն էլ աշխատեն:

Արթուր խաչատրյանը զարմանալի չհամարեց, որ Համաշխարհային բանկի գնահատականներով Հայաստանի աղքատությունը 7 %-ով աճել է, քանի որ գնաճի պայմաններում նպաստներն ու թոշակները չեն ավելացվում, բայց իշխանությունները պարգևավճարների փող ունեն:

Անդրադառնալով ներդրումներին՝ Խաչատրյանը տեղեկացրեց, որ 2021 թվականի առաջին կեսին օտարերկրյա ուղղակի ներդրումները 42.8 մլն դրամ են կազմել, իսկ երկրորդ եռամսյակում ընդհանուր ներդրումները 512 մլն է եղել, այն դեպքում երբ 2018 թվականի երկրորդ եռամսյակում 677 մլն  էր եղել:

Հայտնելով, որ հունվար-սեպտեմբեր ամիսներին 103,570 քաղաքացի է լքել հայաստանը՝ Խաչատրյանը հայտնեց, որ տնտեսության այս վիկճակին հացրած կառավարությունը 7-9 % տնտեսական աճ է խոստանում և այն անելու է կապիտալ ծախսերի արդյունքում, այն դեպքում, երբ երբևէ չեն կարողացել լրիվ ծավալով կատարել պլանավորածը:

«Հույս ունեք, որ Ամուլսարը կշահագործե՞ք, երկու կոպեկի համար երկիրն ու ժողովրդին կթունավորեք, սուտ են ասում՝ իրենց հույսը Թուրքիան էր, որ սահմանները կբացեն թուրքական կապիտալը կհորդի և ժողովուրդը լավ կապրի, ոչինչ, որ Հայաստանի փոխարեն հնարավոր է Արմենիստան, կամ Գյավուրիստան կոչվի այս երկիրը»,-հայտնեց պատգամավորը:

Պատգամավորը նկատեց, որ իշխանությունների հույսը հարկերն ու տուրքերը բարձրացնելն է ու արտաքին պարտքը մեծացնելը և հավելեց, որ Եվրոպայի խոստացած 2.6 մլրդ դոլարի աջակցության մեծ մասը կրկին պարտք է լինելու:

«Կկարողանա՞նք այդ պարտքերը վերադարձնել, թե  մեր զավակներին թողնենլու ենք հոշոտված, տարածքներկ կորցրած դատարկվող ու պարտքերի տակ կքված, ստորացված հայրենիք»,-հայտարարեց ընդդիմադիր պատգամավորը և պնդեց, որ ժողովրդի հետ թույլ չեն տա, որ երկիրը կործանեն և հային դարձնեն անհայրենիք գնչու, դիմադրելու են և կերտելու են հզոր հայրենիքը: