Ձեր վստահելի աղբյուրը

Իրանական բանակի «Զոլֆագար 1400» ծածկանունով զորավարժությունները սկսվել են կիրակի օրը Հորմոզգան, Սիստան և Բելուջիստան նահանգներում, Մաքրանի ափին և Հնդկական օվկիանոսի հյուսիսում։ Այս մասին գրում է Irna գործակալությունը։

«Զոլֆագար 1400» զորավարժություններն անցկացվում են Իրանի ռազմածովային ուժերի, հակաօդային պաշտպանության, ռազմաօդային ուժերի և ցամաքային զորքերի ստորաբաժանումների մասնակցությամբ։

Զորավարժության նպատակները, ինչպիսիք են էլեկտրոնային, ազդանշանային և հակաէլեկտրոնային տեղեկատվության հավաքագրումը հակառակորդ ուժերի գործողությունների մասին՝ օգտագործելով մարտավարական և առափնյա ստորաբաժանումների դիտորդական և նավիգացիոն համակարգերը, տարբեր տեսակի իրանական հետախուզական անօդաչու թռչող սարքերով, ինչպիսիք են Ababil 3, Yasir 3, Sadegh, Mohajer 4 և Simorg-ը և հետախուզական ինքնաթիռները, ներառյալ P3F, RF4 և Boeing 707, հաջողությամբ իրականացվել են: Այս մասին հայտարարել է զորավարժությունների մամուլի ծառայության ղեկավար, ծովակալ Մահմուդ Մուսավին։

Ծովակալ Մուսավին ասել է, որ «Զոլֆագար 1400» զորավարժությունների ուղերձը խաղաղություն և բարեկամություն հաստատելու պատրաստակամությունն է՝ հենվելով սեփական հնարավորությունների վրա։