Մնացել էր՝ ի՞նչ էր անում. Բաբկեն Հարությունյանը՝ Իշխան Զաքարյանի՝ «Պատիվ ունեմ»-ից դուրս գալու մասին
«Մնացել էր՝ ի՞նչ էր անում, այնպես որ՝ գնալն ամենևին կորուստ չեմ համարում»,- անդրադառնալով պատգամավոր Իշխան Զաքարյանի՝ «Պատիվ ունեմ» խմբակցությունից դուրս գալու մասին վերջինիս ակնարկներին՝ ասուլիսում հայտարարեց «Հայրենիք» կուսակցության անդամ Բաբկեն Հարությունյանը, բայց նկատեց, որ պատգամավորը խոստացած հայտարարությունը դեռ չի արել:
Նա պնդեց, որ նման հայտարարության մասին պետք է եզրակացություն անել «Պատիվ ունեմ» խմբակցության ցուցաբերած արդյունքները և Իշխան Զաքարյանի գործունեությունը համադրելով:
«Ես հիշում եմ, որ երբ ընտրություններից հետո գնում էր ընդդիմության ձայների հաշվարկը, ընտրատեղամասերի 10-20 %-ից գալիս էր արդյունքները և պատկերը որոշակիորեն պարզ էր, այդ ժամանակ նա ճիշտ կաներ գնար ԿԸՀ, էլ չսպասելով լույսը բացվելուն, հրաժարվեր ցուցակում այն տեղից, որը զբաղեցնում էր»,- հայտնեց բանախոսը և հիշեցրեց, որ Զաքարյանը չգնաց դրան և վերցրեց մանդատը:
Ըստ Հարությունյանի՝ դրանից հետո, Իշխան Զաքարյանին մնում էր մի ճանապարհ՝ խմբակցության կազմում մասնակցել ակտիվ ընդդիմադիր գործունեությանը, որի նշույլը հասարակությունը չտեսավ, հետևաբար, բանախոսի կարծիքով, Զաքարյանն այդ մանդատը չէր վաստակել:
«Յուրաքանչյուր մարդ պատասխանատու է հասարակության, Աստծո և իր խղճի առաջ և հանկարծ որևէ մեկը չմտածի, որ կարող է մարսել այն՝ ինչն ինքը չի վաստակել»,- հայտնեց Հարությունյանը:
«Հայրենիք» կուսակցության անդամը հումորով վերաբերվեց Իշխան Զաքարյանի այն պնդմանը, որ ինքը շարունակելու է ԱԺ-ում ընդդիմադիր կեցվածք պահել:
Անդրադառնալով մամուլի այն հրապարակումներին, թե Զաքարյանի վրա իշխանությունից ճնշումներ կան՝ Հարությունյանը շեշտեց, որ անկախ ամեն ինչից, երբ գործիչը գնում է ընդդիմությունը ներկայացնող կուսակցության ցուցակով, ապա պետք է պատրաստ լինի դիմագրավելու իշխանության ճնշումներին:
«Իսկ, որ այս իշխանությունը որևէ սրբություն չունի և որևէ բանի առաջ կանգ չի առնելու՝ տարբեր մեթոդներով ճնշելով և թուլացնելով մարդկանց և պոկել տանելով, դրանում երկրորդ կարծիք լինել չէր կարող, ինչը խոսում է այն մասին, որ մեր երկիրը ժողովրդավարական երկիր չէ»,- եզրափակեց Բաբկեն Հարությունյանը:
Հարակից հրապարակումներ`
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
