Ձեր վստահելի աղբյուրը

«Նախագահը, որ ասել է, թե չի լինելու վարչապետ, ես շատ ավելի կուզեմ, որ ինքը լինի վարչապետ, եթե այս Սահմանադրության նախագիծն ընդունվի: Ինչո՞ւ, որովհետև եթե նա չի լինելու վարչապետ, իսկ դա ընդունված կարգ է` պառլամենտական երկրներում վարչապետ է դառնում կուսակցության լիդերը: Եթե նա շարունակում է մնալ կուսակցության լիդեր, բայց չի լինելու վարչապետ, սա շատ վտանգավոր երևույթ է», -այսօր Սահմանադրության փոփոխությունների նախագծի կառավարման ձևի և ընտրական համակարգի վերաբերյալ քննարկման ժամանակ հայտարարեց Հելսինկյան կոմիտեի նախագահ, իրավապաշտպան Ավետիք Իշխանյանը:

Նրա խոսքով, նման կառավարությունը կարող է լինել «բավականին տարանջատված», և լիդերը կհամարվի ոչ թե վարչապետը այլ կուսակցության նախագահը, որը նստած է կուսակցության շենքում:

«Շատ կուզենամ, որ նա իր խոսքը դրժի և Սահմանադրության նախագիծը ընդունվելու դեպքում նա դառնա վարչապետ, որովհետև մենք ստվերային կառավարման շատ վատ նախադեպ կունենանք», -քննարկմանը հայտարարեց Իշխանյանը:

 Թեմային առնչվող հրապարակումներ`

Սահմանադրական բարեփոխումները` խաղաղ իշխանափոխության հիմք. Դավիթ Հարությունյան
Հենց գործող համակարգն է հնարավորություն տալիս իշխող կուսակցության ղեկավարին չդառնալ երիտասարդ թոշակառու. Հարությունյան
Ընդդիմության վարքագիծը Դավիթ Հարությունյանին հիստերիկ կնոջ պահվածք է հիշեցրել
Մենք ունենալու ենք կայուն մեծամասնությունից կախված դատական համակարգ. Ավետիք Իշխանյան

Ազգային ժողովի 3/5-րդը կայուն մեծամասնությունը չէ. Դավիթ Հարությունյանը` Ավետիք Իշխանյանին