Ձեր վստահելի աղբյուրը

«Հայաստանը մաս-մաս վաճառում են, հիմնական գնորդներն Ադրբեջանն է և Թուրքիան»,- ասուլիսում ասաց «Ազգային համաձայնություն» կուսակցության նախագահ Արամ Հարությունյանը:

Նա նշեց, որ Նիկոլ Փաշինյանը Հայաստանի կարևոր մասերը վաճառում է Ադրբեջանին ու Թուրքիային, և Հայաստանից թողնելու են այն մասերը, որոնք որևէ մեկին պետք չեն լինի:

Ա. Հարությունյանի խոսքով, Փաշինյանը փոխել է ՀՀ աշխարհագրությունը, շուռ է տվել Հայաստանի պատմությունը:

Քաղաքական գործիչն ընդդիմությանը հավաքվելու կոչ արեց. «Ժամանակ չկա: Երկիր ենք կործանում: Բոլորով պետք է հավաքվենք: Շատ արագ ընդդիմությունը կառավարության առջև պետք է հրավիրի մարդկանց: Ժողովուրդը կարող է ամեն մեկիս չսիրի, բայց մեր միասնությունը, համաձայնությունը, համերաշխությունը սիրում է: 

Ես համոզված եմ՝ ոստիկանությունը պատրաստ է անցնելու ժողովրդի կողքը, ուղղակի պետք է տեսնի, որ այդ ժողովուրդը եկել է»: 

Ա. Հարությունյանը նշեց, որ թշնամին ներսում է, որին պետք է մեկուսացնել: