Ձեր վստահելի աղբյուրը

«Ինչո՞ւ փոխեցիք պաշտպանության նախարարին: Արշակ Կարապետյանն իր նախաձեռնությա՞մբ է դիմում գրել, թե այն եղել է ձեր որոշումը և որ տարբերակն էլ որ եղել է՝ ո՞րն է եղել նման որոշման հիմնավորումն այս փուլում պաշտպանության նախարար փոխելը, ընդ որում, այն փուլում, երբ էսկալացիայի շրջանում ենք: Ո՞ր տրամաբանությամբ եք ընտրել նոր նախարարին: Արդյոք այս նշանակումն ուներ ներքաղաքական, արտաքին քաղաքական կամ մեկ այլ բաղադրիչ, որովհետեև ձեր թիմակիցներից մեկն երեկ ասում էր, որ ի տարբեություն Արշակ Կարապետյանի՝ Սուրեն Պապիկյանը ՌԴ գեներալիտետից կախում չունի:

Ո՞վ չտվեց կրակելու հրաման, կամ ո՞վ տվեց չկրակելու հրաման, որովհետեև հրապարակված տեսանյութերով որոշակի գծերով տեսանելի էր, որ մարտական դիրքերից մեկի գրավումը տեղի է ունեցել առանց փոխհրաձգության, իսկ դրան հաջորդող օրերին պաշտոնապես արձանագրվեց, որ ունենք 13 գերեվարված և 24 զինծառայողի հետ կապն ըստ էության կտրված է: Ի՞նչ է ձեզ հայտնի մեր զինծառայողների ճակատագրի մասին, ի՞նչ է արվում կանխելու համար նրանց նկատմամբ բռնություննները կանխելու, դեռ չեմ խոսում ավելի վատ սցենարի մասին և ո՞վ էր, ըստ էության, այս իրավիճակի պատասխանատուն,-կառավարության հետ հարցուպատասխանի ժամանակ ԱԺ-ում Նիկոլ Փաշինյանին հարցրեց «Պատիվ ունեմ» խմբակցության պատգամավոր Տիգրան Աբրահամյանը՝ նկատելով, որ էսկալացիայի փուլ էր։

Նիկոլ Փաշինյանը պատասխանեց.  «Նախարարի պաշտոնը հայեցողական պաշտոն է և սրանով շատ բան ասվում է և ես չեմ կարծում, որ պաշտպանության նախարարի փոփոխության մանրամասները պետք է հրապարակային քննարկվեն:

Մի բան կարող եմ ասել «հայեցողական» բառը շատ ամբողջական պատկերացում է տալիս: Այսինքն՝ նախարար ընտրվում է տվյալ դեպքում մեր կառուցակարգերի համաձայն ՝ նախարար նշանակվում է վարչապետի հայեցողությամբ և ազատվում է նրա հայեցողությամբ: Նոր նախարարի նշանակման շարժառիթի վերաբերյալ հարցին ավելի մանրամասը կարձագանքեմ: Փորձը ցույց է տվել և ցույց է տալիս, որ քաղաքական հաղորդակցության և քաղաքական բովանդակության ընդհանրությունը շատ կարևոր է և տվյալ դեպքում ես կարևոր եմ համարում, որ ԱԳ նախարարի կարգավիճակում և պաշտպանության նախարարի կարգավիճակում մեր քաղաքական թիմի ներկայացուցիչներն են, սա կարևոր է:

Ձեր մյուս հարցի վերաբերյալ. ի  բնե հնարավոր չէ այդպիսի բան, որ ՀՀ  սահմանների պահպանության վերաբերյալ տրվի չկրակելու, կամ սահմանը չպաշտպանելու հրաման, դա կլինի ուղիղ պետական դավաճանություն:

Գերիների մասով ես կարծում եմ, որ ժամանակն է, որ մենք գերեվարման յուրաքանչյու դեպք պատշաճ ձևով հետաքննենք, որովհետը, կներեք ՀՀ ԶՈւ ծառայության անցնող յուրաքանչյուր անձ ունի պարտականություններ և պետք է հստակ բոլոր դեպքերով քննվի, քանի որ գուցե մենք սխալ ենք վարվել էմոցիոնալ ֆոնի վրա, ինչ է նշանակում գերի ընկնել, ինչ հանգամանքներում զինվորական կանոնագրերը հստակ սահմանում են, թե որ դեպքում է, որ գերի ընկնելը չի համարվում հանցագործություն և յուրաքանչյուր դեպքի հետ պետք է քննենք, թե այդ դեպքի հետ գործ ունենք, թե ոչ: Օրինակ հստակ ձևակերպված է, որ եթե մարդը վիրավոր և անգիտակից վիճակում է և գերեվարվում է, իհարկե նրան ոչ մի պրետենզիա չի կարող լինել: Պետք է ձեզ կոչ անեմ, որ նման լուրերը տարածելուց առաջ մտածենք, այստեղ իշխանության-ընդդիմության հարց չէ: Ի՞նչ է նշանակում հրաման է եղել չկրակելու, ի՞նչ է նշանակում չկրակել: Չկրակելու գրավոր, կամ բանավոր հրաման տվողը գործում է պետական դավաճանություն ՀՀ ինքնիշխան տարածքը պաշտպանելու գործում»: