Ձեր վստահելի աղբյուրը

Տարոն Սահակյանը ծնունդով Տավուշի մարզից է՝ Ոսկեպարից, ավելի ուշ տեղափոխվել են ու ապրել ԿՈղբ գյուղում։

Հայրը զինվորական է, Տարոնը  տան երկրորդ զավակն է։ Աշխատել է իրավապահ համակարգում, ապա` տեղափոխվել ՌԴ։ Վերադարձել էր հայրենիք ու մի քանի ամիս  առաջ  Ջերմուկում որպես սպա ընդունվել  աշխատանքի։

Տարոնն ամուսնացած է, ունի մեկ որդի, վերջին շրջանում տեղափոխվել ու  բնակվելում էր Ջերմուկում։

«Փաստինֆո»-ին Տարոն Սահակյանի հարազատները պատմել են` գիտեին, որ Տարոնը գերության մեջ է, բայց այսօր վաղ առավոտյան Սահակյանները տեղեկացել են, որ Տարոնին զոհված են տեղափոխել հայրենիք։

Նրա աճյունն էր երեկ Մուրադովը ինքնաթիռով տեղափոխել Երևան: Հարզատները նրա՝ Բաքվում հայտնվելու մասին մանրամասներ չգիտեն, բայց տեղյակ են, որ գերեվարել ու սպանել են թշնամիները։ 

«Մեզ հասած տվյալներով, մեր կողմը ադրբեջանցիներին գերի է վերցրել։ Հրաման են տվել ադրբեջանցի գերիներին հետ տանեն ու տղաները հետ են տարել՝ իրենք են գերի ընկել։ Մեր տվյալներով Տարոնի աճյունը ահավոր խոշտանգված վիճակում է։ Չգիտեմ որ մի ոչխարի հրամանով է, որ ադրբեջանցի գերիներին հետ են ուղարկել ու այդ տղաները գերի ընկել։ Մեզ հասած տվյալներով նրան դաժան ձևով են սպանել, անգամ ծեծելով։ Տեսել եմ լուսանկարն ու մինչև հիմա ուշքի չեմ գալիս»,- ասել է Կողբի բնակիչ Արսեն Աղաբաբյանը։