Ձեր վստահելի աղբյուրը

«Փաստացի ունենք 7 ճանապարհ, որոնց մասին խոսվում է, որից Տաթև-Աղվանի ճանապարհը արդեն կառուցված է»,-կառավարության նիստում հայտնեց տարածքային կառավարման և ենթակառուցվածքների նախարար Գնել Սանոսյանը՝ արձագանքելով Նիկոլ Փաշինյանի՝ Սյունիքի կտրված գյուղերի ճանապարհների մասին պարզաբանում ներկայացնելու հորդորին:

Նախարարը նկատեց, որ այդ հատվածում նախատեսված է եռաշերտ ասֆալտապատում, որի երրորդ շերտը նախատեսված է իրականացնել գարնանը:

«Մնացած 6 հատվածներից մեկը Քաշունի-Բարձրավան ճանապարհն է, որը 9.5 կիլոմետր է, որից 3.5-4 կմ-ն արդեն ամբողջովին հողային աշխատանքներն կատարվել են, մյուսներում շարունակվում են բարեկարգման աշխատանքները, որպեսզի անանցելիության խնդիրը լուծվի»,-ասաց Սանոսյանը:

Նրա խոսքով՝ Տանձավեր-Շուռնուխ 13 կիլոմետրանող ճանապարհի մի մասը լրիվ նոր է կառուցվում և այնտեղ որոշակի դժվարություններ կան, քանի որ անտառային հատված կա, բայց աշխատանքներն շարունակկվում են:

«Ես ուզում եմ նշել, որ նույն Շուռնուխ գյուղն առնվազն երկու ճանապարհ ունի՝ Խոտ-Որոտան-Շուտնուխ ճանապարհն է, որը գործում է, նորմալ է և մեր հայրենակիցները կարող են երթևեկել, մյուսը՝ Շուռնուխ-Բարձրավանը»,-ասաց տարածքային կառավարման և ենթակառուցվածքների նախարարը:

Ըստ Սանոսյանի ներկայացման՝ Որոտան-Խոտ ճանապարհի 5 կմ-ն  ամբողջովին պատրաստ է, բայց նկատի ունի ոչ թե ասֆալտապատումն, այլ հիմքը և մյուս 5 կիլոմետրի վրա բարեկարգման, խճապատման աշխատանքներ են տավում:

«Կա նաև Կապան-Ճակատեն և Կապան-Գեղանուշ-Ճակատեն ճանապարահատվածները: Սկսցվել է Գեղանուշ-Ճակատեն հատվածի հողային աշխատանքները և երեկվանից սկսվել է խճապատումը, որոշակի թեքություններ կան, բայց դրան զուգահեռ կկառուցվի Կապան-Ճակատեն նոր ճանապարհը»,-տեղեկացրեց նախարարը և հավելեց, որ վերջինը կանցնի ներկայում առկա և Ադրբեջանին հանձնված ճանապարհին զուգահեռ:

Նա հայտնեց, որ շարունակվում է նաև Տաթև-Լծեն 19.9 կմ ճանապարհների շինարարության աշխատանքները, որտեղ 6.5 կմ աշխատանք է իրականացվել և երկու ընկերություններ տարբեր կողմերից են աշխատում: