Ձեր վստահելի աղբյուրը

«Հադրութի դեօկուպացիա» ՀԿ-ն ֆեյսբուքյան էջում լուսանկարներ է հրապարակել ադրբեջանական զինուժի կողմից գրավված Հադրութից ու գրել.

«Համաձայն 1926թ. Խորհրդային առաջին մարդահամարի, Հադրութի շրջանի բնակչության թիվը հասնում էր 25,247֊ի, որից 24,685 (98%) հայեր էին։

Շրջանում հաշվվում էր ՀԱԵ 93 վանքեր ու եկեղեցիներ, մեծամասնությունը կառուցված միջին դարերում, Անիի հայկական թագավորության ժամանակներում (9-11 դդ), Խաչենի հայկական պետությունում (11-16 դդ), Դիզակի հայկական մելիքությունում (17-18 դդ).
Կային Հայկական էմիրության ժամանակաշրջանի  (7-9 դդ.), կովկասյան Ալբանիայի ենթակայության տակ գտնվող հայ նախարարների (5-7 դդ) կոթողներ, ինչպես նաև Մեծ Հայքի հեթանոսական և քրիստոնեական շրջանի տաճարներ (2 դ.մթա - 5 դ.).

Գրեթե ամեն եկեղեցու մոտ տեղակայված էին հին հայկական գերեզմանոցներ։

Հադրութն այսօր գտնվում է բարբարոսների ձեռքին, որոնք բռնությամբ տեղահանել են բնիկ ժողովրդին և անարգաբար ոչնչացնում են պատմական հուշակոթողները»։