Մի ընդհատեք, երբ որ ես խոսում եմ, դուք դեռ պետք է դատվեք. Արծվիկ Մինասյանը՝ Անդրանիկ Քոչարյանին
«Մի ընդհատեք, երբ ես խոսում եմ, դուք դեռ պետք է դատվեք և հիմա հրապարակային ասում եմ, որ դուք և Վահագն Ալեքսանյանը, որ հրապարակային ասում եք, թե գուցե «Հայաստան» դաշինքն է հրավիրել Ադրբեջանին, դուք պատասխան պետք է տաք և հենց հիմա ձեզնից պատասխան եմ պահանջում»,- ԱԺ Պաշտպանության և անվտանգության հարցերի մշտական հանձնաժողովի նիստը նախագահող Անդրանիկ Քոչարյանին դիմեց «Հայաստան» խմբակցության քարտուղար Արծվիկ Մինասյանը:
Նա հայտարարեց, որ ՔՊ պատգամավորները դատվելու են ու ոչ միայն այդ հանցագործության համար:
«Հայաստան» խմբակցության քարտուղարը մինչ այդ հայտնեց, որ արդեն որերորդ անգամ ՔՊ պատգամավորները և անձամբ Անդրանիկ Քոչարյանը փորձում են մանիպուլյացիաների, կեղծ, սուտ լուրերի միջոցով տարածել միտք, թե ընդդիմությունն է մեղավորը սահմանի լարումների համար:
Անդրանիկ Քոչարյանն ընդհատեց Մինասյանին՝ ասելով, որ սուտն ինքն է ասում :
Արծվիկ Մինասյանը հակընդդեմ մեղադրանքը հնչեցրեց:
«Ստախոսը ինքներդ եք»,-բղավեց Անդրանիկ Քոչարյանը:
Արծվիկ Մինասյանը պաշտոնապես դիմեց դատախազությանը՝ պահանջելով բացահատել, թե ովքեր են դավաճանները և լքեց նիստը:
«ԱԺ Պաշտպանության և անվտանգության հարցերի մշտական հանձնաժողովի նիստի մեկնարկին «Հայաստան» խմբակցության պատգամավոր Գեղամ Մանուկյանն էլ առաջարկեց մեկ րոպե լռությամբ հարգել Գեղարքունիքում նահատակված զինվորի հիշատակը:
«Աննախադեպ իրավիճակ է տիրում պաշտպանական ոլորտում, երբ հանրությունը զրկվում է ամբողջական լրատվություն ստանալուց, և վստահ եմ բոլորն էլ հասկանում են, թե այն ինչ հետևաքներով է հղի, երբ Հայաստանի հանրությունը, չստանալով տեղեկատվություն, հայացքն ուղղում է թշնամական տեղեկատվական աղբյուրներին»,-հայտնեց ընդդիմադիր պատգամավորը և հավելեց. «Այս անգամ ևս մեկ աննախադեպ բան է արձանագրվել, որ պաշտպանության նախարարությունըն երևի իր գործունեության ընթացքում առաջին անգամ պաշտոնական մամուլի հաղորդագրությամբ հանրությանը տեղեկացնում է, որ կան զոհեր և չի հրապարակվում զոհերի թիվն ու անուններ և դրա հետևանքով հանրության՝ հակապես առաջին գծում ծառայողների ծնորղների մեջ ստեղծում է սարսափելի հուզական վիկճակ»:
Մանուկյանի խոսով՝ այդ իրավիճակում իշխանական պատգամավոր Էդուրադ Աղաջանյանը բարձր ամբիոնից խոսում է զոհվածների թվի մասին, որն այդպես էլ չի հաստատվում:
Նա կգտնում է որ Աժ պաշտպանության և անվտանգության հարցերով հանձնաժողովի նախագահը պետք է արատհերթ կամ արտագնա նիստ գումարեր իրավիճակի հարցերով:
«Հայաստան» խմբակցության պատգամավորները լքեցին հանձնաժողովի նիստ, որին չէր մասնակցում նաև «Պատիվ ունեմ» խմբակցության պատգամավոր Տիգրան Աբրահամյանը, որն իր օգնականի միջոցով գրություն էր ուղարկել, որում ասվում էր, թե բացակայում է նիստից, քանի որ կա հանձնաժողովի աշխատանքներին չմասնակցելու քաղաքական որոշում:
ՔՊ պատգամավորները միայնակ քննարկեցին հանձնաժողովի նիստի միակ հարցը և 13-րդ անգամ մերժեցին Արթուր Ղազինյանի թեկնածությունը Պաշտպանության և անվտանգության հարցերի հանձնաժողովի նախագաի պաշտոնում:
Լրահոս
Տեսանյութեր
Խայտառակություն Թումանյան փողոցում. Չախոյան
