Ձեր վստահելի աղբյուրը

Նոտր Դամի համալսարանի ամերիկացի հետազոտողները հայտնաբերել են սրտի նոր տեսակի բջիջ, որն օգնում է կարգավորել սրտի աշխատանքը և կարող է կարևոր հուշումներ տալ սրտի բնածին արատների որոշ տեսակների և սրտի հետ կապված այլ հիվանդությունների հասկանալու համար: «Գազետա ռու»-ի փոխանցմամբ, այդ մասին հոդվածը հրապարակվել է PLOS Biology ամսագրում։

Բջիջները, որոնք կոչվում են «nexus glia», հիշեցնում են գլխուղեղի գլիալ բջիջների ամենատարածված տեսակը՝ աստրոցիտները, որոնք ապահովում են սնուցում և ֆիզիկական աջակցությունը նեյրոններին, ինչպես նաև մասնակցում են նյարդային հյուսվածքի իմպուլսների փոխանցմանը և մշակմանը: Նինա Կիկել-Կուրիի և նրա գործընկերների ուսումնասիրության համաձայն, երբ նրանց հայտնաբերած բջիջները հեռացվել են, փորձարկվող զեբրաձկան սրտից, զարկերը մեծացել են, և երբ ձկներին զրկել են հիմնական գենից, որը վերահսկում է նրանց գլիալ զարգացումը, սիրտը սկսել է աշխատել. անկանոն կծկումներով: Հետազոտական թիմը սկզբում բջիջներ է հայտնաբերել զեբրաձկների սրտում, իսկ հետո հաստատել դրանց առկայությունը ինչպես մկների, այնպես էլ մարդկանց սրտերում:

Նոր հայտնաբերված բջիջների և սրտի արատների միջև միանշանակ կապ դեռ չի հայտնաբերվել, բայց այդ բջիջները գտնվում են սրտի արտահոսքի տրակտում, որի հետ ուղիղ կապված են սրտի բազմաթիվ բնածին արատներ: Նախկինում ենթադրվում էր, որ աստրոցիտները առկա են միայն կենտրոնական նյարդային համակարգում՝ ուղեղում և ողնուղեղում: