Ձեր վստահելի աղբյուրը

«Եթե 2-3 տարի առաջ կխոսեի իրավական ինչ-որ գործընթացներում առկա դեֆիցիտի մասին, ապա հիմա կարող եմ մի քանի ապացույց բերելով հստակ պնդել, որ իրավական որևէ գործընթաց այսօր ՀՀ-ում չունի իրավական հենք»,- ԱԺ-ում հրավիրված ասուլիսում հայտարարեց «Պատիվ ունեմ» խմբակցության պատգամավոր Աննա Մկրտյանը և պնդեց, որ չկա մի գործընթաց, որն ուղղորդված չէ և չի կարգավորվում իշխանության որևէ ճյուղի կողմից:

Նրա խոսքով՝ այսօր կա գործեր կարելու գծված հստակ սխեմա, որն Հայաստանում ընդունված է անվանել արդարադատության իրականացում:

«Այսօր կա առանց բովանդակության ձևով իրավական համակարգ, որը ստանում է անուն՝ սկզբում իշխանությունը զավթածից, իսկ հետո նաև՝ անհայրենիքի դավաճանից, և սկսում է հավաքել այդ մարդու հետ կապված անհրաժեշտ փաստաթղթաշրջանառությունը»,- ասաց ընդդիմադիր պատգամավորը:

Ըստ Մկրտչյանի՝ նման հանձնարարականի կատարման գործընթացի մեջ ընդգրկված են տարատեսակ չճշտված փաստական հանգամանքների խմբեր, որոնք անվանում են մեղադրանքի փաստական տվյալներ:

Շեշտելով, որ վերևում նկարագրված իրավական ձևը ապահովում են կոնկրետ մարդիկ՝ «Պատիվ ունեմ» խմբակցության պատգամավոր շեշտեց. «Սասունը, Վահեն, Արթուրը, Արգիշտին, ստանալով այդ անուն-հրահանգը, ապահովում են նման փաստաթղթաշրջանառությունը և անպայման այդ ընթացքում գտնվում է ինչ-որ մի Սիլվա, որը, բնականաբար, ունի կապ քրեական օրենսգրքում նկարագրված տարաբնույթ հանցագործությունների հետ»:

Նա նկատեց՝ իր գործընկեր Արամ Վարդևանյանը իր խոսքում նշել է, որ դատական վարույթում իշխանությունները ուրիշ հերոսի անուն չգիտեն, բացի դատավոր Արմեն Դանիելյանից և պնդեց, որ միջդատական վարույթում էլ այդ միակ հերոսը Սիլվա Համբարձումյանն է, որի ցուցմունքներով մեղադրանք է առաջադրվել ՀՀ երրորդ նախագահ Սերժ Սարգսյանի դեմ:

Նա նկատեց, որ կա ևս մեկ հերոս՝ վարչապետի օգնական Աննա Վարդապետյանը, որն աշխատում է քննիչների քննիչ և բոլոր մեղադրական շաբլոնները, փաստական հանգամանքներն ունի, իսկ քննիչներին մնում է միայն նրանից ստանալ իրենց բաղձալի մեյլը, ստորագրել և ուղարկել դատարան:

Կին պատգամավորի խոսքով՝ որպեսզի իշխանություններն իրենց սարքած գործերն առաջ տանեն, պետք է կոտրեն դատական համակարգի հնարավոր հակազդեցությունը և այդ գործընթացը սկսվեց դատարանների շրջափակմամբ:

«Դա հստակ ազդակ էր բոլոր դատավորներին, որոնք կփորձեն չբավարարել Նիկոլից ստացած հրահանգները և ցանկությունները»,- ասաց Մկրտչյանը:

Իր թվարկած փաստերի հիման վրա «Պատիվ ունեմ» խմբակցության պատգամավորը բացատրեց, թե ինչու ԱԺ մեծամասնությանը չէր ցանկանում, որ ձևավորվի պատգամավորական քննիչ հանձնաժողով, և դրա համար էլ չհաստատեց նրա անդամների կազմը: Հանձնաժողովը, նույնիսկ առանց հաստատված անդամների կազմի պետք է ուսումնասիրի դատական համակարգում գործերի մակագրման էլեկտրոնային համակարգի միտումնակվոր խափանման և ընթացակարգային այլ հարցեր:

Նա պնդեց, որ այն ընդդիմությանը չի խանգարի իրավական համակարգում հետաքննություններ անցկացնելու համար: