Ձեր վստահելի աղբյուրը

«Նայելով Նիկոլ Փաշինյանի հարցազրույցի տեսագրությունը՝ տպավորություն ստացա, որ դրա կազմակերպիչը եղել է ԱԱԾ-ն»,-ասուլիսում հայտնեց ՍԴ աշխատակազմի նախկին ղեկավար Էդգար Ղազարյանը և բացատրեց, որ ԱԱԾ-ն գիտի, որ իրեն առաջիկայում ծանրաբեռնված աշխատանք է սպասվում, Փաշինյանի դեմ գործ է հարուցվելու և հնարք են օգտագործում, որպեսզի նա չհասկանա, որ արդեն հարցաքննվում է:

Նա պնդեց, որ ԱԱԾ-ն արդեն այսօրվանից  լրագորների միջոցով անհրաժեշտ հարցերը տալիս է Փաշինյանին և նկակտեց, թե ինչ հաջող քայլ է արել ԱԱԾ քննչական դեպարտամենտը:

«Պետական դավաճանության դասական սահմանման մեջ, որը նույնիսկ Վիկիպեդիայում է դրված, ասվում է, որ  թշնամու հետ ուղիղ կապի հաստատումը հայրենիքի դավաճանություն է»,-տեղեկացրեց բանախոսը և, նկատելով, որ պաշտպանության նախարարի պաշտոնում պրոֆեսիոնալ զինվորականի փոխարեն Սուրեն Պապիկյանին նշանակելուց հետո է այդ ուղիղ կապը հաստատվել, հավելեց. «Ստացվում է, որ մեր երկրի պաշտպանության նախարարը, որը կոնսոլիդացված բոլոր գաղտնիքների կրողն է, ինքը չհրապարակված ուղիղ կապ ունի թշնաման երկրի պաշտպանական գերատեսչության ղեկավարի հետ»:

Ղազարյանը հիշեցրեց, որ պետական դավաճանության մեջ մինչև օրս ՀՀ-ում դատվածները մեղադրվել են թշնամու հետ ուղիղ կապ ունենալու համար:

«Եթե չխոսես՝ մարդիկ կմտածեն, որ դու տգետ ես, բայց երբ խոսում ես, բոլորը համոզվում են դրանում» չինական ասացվածքը հիշեց ՍԴ աշխատակազմի նախկին ղեկավարը և պնդեց, որ Փաշինյանի փրկությունը քիչ խոսելու մեջ է:

Ըստ Ղազարյանի՝ Փաշինյանի անվերապահորեն հավատող բնակչության 20 %-ից բացի հնարավոր է նաև Ալիևն իրեն հոգեբանորեն տրամադրել և լսել է ասուլիսը:

Ղազարյանը, տեղեկացնելով, որ ասուլիսիսց հետո ադրեջանական մամուլն արդեն երանության մեջ է, շեշտեց. «Ալիևը նայում էր Փաշինյանի ասուլիսը և ասում ՝ սա ինչ երանություն է, ինչ ճակատագրական նվեր, ես սրա հետ պետք է 2 օր հետո բանակցեմ»:

Նրա խոսքով՝ Ալիևը ամենայն հավանականությամբ, հիշում է, թե ինչպես է բանակցել Ռոբերտ Քոչարյանի և Սերժ Սարգսյանի հետ, որոնց ֆոնին Նիկոլ Փաշինյանը պարգև է իր համար:

Էդգար Ղազարյանի խոսքով՝ Նիկոլ Փաշինյանը մի դեպքում ասել է, որ նոյեմբերի 26-ի ստորագրվելիք փաստաթղթով ընդամենը հաստատվելու է սահմանագծում և սահմանազատում իրականացնող հանձնաժողովը, որը դեռ պետք է տարիներով աշխատի, բայց քիչ անց ասում է, որ միլիմետրի ճշտությամբ գիտի Հայաստանի սահմանները:

«Նորմալ տրամաբանող մարդը հարց կտա, որ եթե գիտես սահմանը, ապա ինչո՞ւ է անցկացնում սահմանազատման և սահմանանշման աշխատանքները»,-ասաց նա և նկատեց, որ եթե Փաշինյանի համար այդ ճշգրտության աղբյուրը քարտեզներն են, ինչու է հաջորդ պահին ասում, որ քարտեզները միայ պատկերներ են:

Էդգար Ղազարյանը, արձանագրելով, որ այսօր արդեն Ադրբեջանի հետ կա երկու ուղիղ կապ, շեշտեց, որ այդ իրավիճակում Փաշինյանը չի կարող պատասխանել լրագրողի հարցին, թե արդյո՞ք պատերազմի հավանականություն կա:

ՍԴ աշխատակազմի նախկին ղեկավարը պնդեց, որ նոյեմբերի 16-ի հերթական ռազմական գործողությունները եղել են այն պատճառով, որ Նիկոլ Փաշինյանը խոստացել էր նոյեմբերի 15-ին եռակողմ հանդիպմանը գնալ, բայց հրաժարվել էր մասնակցել:

Անդրադառանլով մաքսային ծառայողին դրոշն անկյունում դնելու համար աշխատանքից ազատելու մասին Փաշինյանի  խոստովանությանը՝ Ղազարյանն ասաց. «Հայկական բարձունքներից, Շուշիից դու հայկական դրոշը իջեցրել ես գերեզման, ու այսօր դրոշից ե՞ս  խոսում»: